سرفرازنے غصہ کیا تو گراؤنڈ کے باہر ری ایکشن دوںگا : شاہد آفریدی

کورونا سے احتیاط لازمی ،اضافی کھلاڑیوں کے ساتھ یہ پی ایس ایل کروا سکتے ہیں : سابق کپتان

ذیشان مہتاب منگل 18 جنوری 2022 16:22

سرفرازنے غصہ کیا تو گراؤنڈ کے باہر ری ایکشن دوںگا : شاہد آفریدی

کراچی (اردو پوائنٹ تازہ ترین اخبار ۔ 18 جنوری 2022ء ) سابق کپتان شاہد آفریدی کا کہنا ہے کہ سرفراز نے اگرغصہ کیا تو گراؤنڈ کے باہر ری ایکشن دوں گا۔ اپنے بیان میں شاہد خان آفریدی نے کہا کہ کپتان کا غصہ ہونا قدرتی عمل ہے، سرفراز نے غصہ کیا تو اپنا ری ایکشن گراؤنڈ کے باہر دوں گا، سرفراز میرا فیورٹ کپتان ہے۔

(جاری ہے)

شاہد آفریدی نے مزید کہا کہ پی ایس ایل 7 میرا آخری ایڈیشن ہوگا، میری کوشش ہوگی کہ کوٸٹہ گلیڈی ایٹرز کو جتنا لڑا سکوں لڑواٶں ، سرفراز اورکوئٹہ کے ساتھ کھیلنے کی خوشی ہے، دیگر لیگز کھیلتا رہوں گا۔

شاہد آفریدی کا مزید کہنا تھا کہ ہمارا کام کرکٹ کھیلنا ہے۔ کورونا سے احتیاط لازم ہے، کورونا کے حوالے سے میٹنگ 19 تاریخ کو ہے ، اضافی کھلاڑیوں کے ساتھ یہ پی ایس ایل کروا سکتے ہیں۔