وزیراعلیٰ عثمان بزدار کی زیر صدارت کو آپریٹو ڈیپارٹمنٹ سے متعلق اعلیٰ سطح کا اجلاس ،محکمہکی کارکردگی ودیگر امور پر تفصیلی بریفنگ

پنجاب پراونشل کوآپریٹو بینک میںضروری خالی آسامیوں پر بھرتی کا اصولی فیصلہ ،بارانی علاقوں کیلئے بلاسود ٹریکٹر سکیم لانچ کرنے کاحکم کو آپریٹو سوسائیٹز ایکٹ 1925میں96سال کے بعد دور حاضر سے ہم آہنگ کرنے کیلئے 24 ضروری ترامیم ریگل چوک میں 4کنال اراضی پر کمرشل بلڈنگ پارکنگ پلازہ بنانے کی تجویز کا جائزہ،واگزار اراضی سیاحت کیلئے استعمال پر غور پنجاب میں 21فارم سروسز سینٹر بحال کئے جارہے ہیں ،مری ،کہوٹہ اورکوٹلی ستیاں میں گذارا فارسٹ کو آپریٹو سکیم فعال کی جائے گی

ہفتہ 22 جنوری 2022 19:01

وزیراعلیٰ عثمان بزدار کی زیر صدارت کو آپریٹو ڈیپارٹمنٹ سے متعلق اعلیٰ ..

لاہور(اُردو پوائنٹ اخبارتازہ ترین - این این آئی۔ 22 جنوری2022ء) وزیراعلیٰ پنجاب سردار عثمان بزدار کی زیر صدارت وزیراعلیٰ آفس میں کو آپریٹو ڈیپارٹمنٹ سے متعلق اعلیٰ سطح کا اجلاس منعقد ہوا جس میں کو آپریٹو ڈیپارٹمنٹ کی کارکردگی اوردیگر امور پر تفصیلی بریفنگ دی کی گئی۔ کو آپریٹو سوسائیٹز ایکٹ 1925میں96سال کے بعد دور حاضر سے ہم آہنگ کرنے کیلئے 24 ضروری ترامیم کے بارے میں آگاہ کیا گیا۔

اجلاس میں کو آپریٹو ڈیپارٹمنٹ ہاؤسنگ سوسائیٹزمیں لینڈ ریکار ڈکی کمپیوٹرائزیشن کا فیصلہ کیا گیا۔ وزیراعلیٰ عثمان بزدارنے بارانی علاقوں کیلئے بلاسود ٹریکٹر سکیم لانچ کرنے کاحکم دیا اور ہدایت کی کہ کوآپریٹوڈیپارٹمنٹ لائیوسٹاک کے فروغ کیلئے کسانوں کو ترجیحی بنیادوں پر قرضے فراہم کرے۔

(جاری ہے)

اجلاس میں پنجاب پراونشل کوآپریٹو بینک میںضروری خالی آسامیوں پر بھرتی کا اصولی فیصلہ کیا گیا۔

وزیراعلیٰ عثمان بزدار نے کوآپریٹو ڈیپارٹمنٹ کوکمرشل اراضی کے استعمال کا قابل عمل پلان مرتب کرنے کی ہدایت کی۔ اجلاس میں ریگل چوک میں 4کنال اراضی پر کمرشل بلڈنگ پارکنگ پلازہ بنانے کی تجویز کا جائزہ لیا گیا اور کو آپریٹو ڈیپارٹمنٹ کی واگزار اراضی سیاحت کیلئے استعمال کرنے پربھی غور و خوض کیا گیا۔ وزیراعلیٰ عثمان بزدار کو بریفنگ میں بتایا گیا کہ کو آپریٹو ڈیپارٹمنٹ کی 60ارب روپے مالیت کی36پراپرٹیز واگزار کرائی گئی ہیں۔

کو آپریٹو ڈیپارٹمنٹ کی 112قیمتی پراپرٹیزکوبہتر استعمال کیلئے پیش کرے گا۔کمرشل پراپرٹیز کو نیلام عام کے ذریعے فروخت کرنے کیلئے کارروائی جاری ہے ۔کاشتکاروں کی سہولت کیلئے پنجاب میں 21فارم سروسز سینٹر بحال کئے جارہے ہیں ۔مری ،کہوٹہ اورکوٹلی ستیاں میں گذارا فارسٹ کو آپریٹو سکیم فعال کی جائے گی۔ بریفنگ میں بتایا گیا کہ کوآپریٹو ڈیپارٹمنٹ1ارب53کروڑ کے قرضوں سے 98.7فیصد وصولیاں کرچکا ہے۔

232ہاؤسنگ سوسائیٹز کی جیو ٹیگنگ بھی کی جائے گی۔ فراڈ کے سدباب کیلئے کو آپریٹو ڈیپارٹمنٹ ہاؤسنگ سوسائیٹز میں بائیو میٹرک سسٹم نافذ کیا جارہاہے ۔پنجاب پراونشل کو آپریٹو بنک میں ٹرانزیکشن مانیٹرنگ سسٹم نافذ کیا جائے گا۔صوبائی وزیر قانون راجہ محمد بشارت،پرنسپل سیکرٹری وزیراعلیٰ ،سیکرٹری کو آپریٹواوردیگر متعلقہ حکام نے اجلاس میں شرکت کی۔