موجودہ بے حس حکمران عوام پر مسلط کئے گئے ہیں، آج اگر کوئی اس ملک کا بڑا دشمن ہے تو وہ عمران نیازی ہے ،اسی نے سب سے زیادہ کرپشن کی ہے،شازیہ مری
آرمی کو جتنا گندا عمران نیازی نے کیا تاریخ میں کسی نے نہیں کیا، پیپلزپارٹی (آج) موجودہ نالائق، نااہل اور بے حس حکومت کے خلاف حیدرآباد سے کسان ٹریکٹر مارچ کا آغاز کریگی، پریس کانفرنس سے خطاب
اتوار 23 جنوری 2022 21:35
(جاری ہے)
شازیہ مری نے خطاب کرتے ہوئے کہا کہ پیپلزپارٹی نے 21 جنوری کو ٹریکٹر مارچ کے پہلے فیز کا آغاز لاڑکانہ اور ساہوال سے کیا اور آج پیر سے دوسرے فیز کا آغاز کیاجارہا ہے جس میں چیئرمین پی پی پی بلاول بھٹو زرداری بھی شرکت کریں گے ،انہوں نے کہا کہ ملک میں اس وقت کسان اس نالائق حکومت سے پریشان ہیں کسان نے اس حکومت کے تین سال بہت مشکل میں گزارے ہیں حکومت کو ہوش کے ناخن لینا چاہیے، انہوں نے کہا کہ حکومت کی نالائقی اور نااہلی کی وجہ سے ملک میں خوراک کی قلت بڑھنے کا خدشہ ہے، اس بے حس ٹولے سے نجات حاصل کرنے کے لئے پیپلزپارٹی 27 مارچ کو لانگ مارچ کرنے جا رہی ہے، انہوں نے کہا کہ حکومت کے وزرا روز درجنوں پریس کانفرنس کر کے اپوزیشن کو گالم گلوچ کرتے ہیں، نیازی حکومت نے کھاد کی قیمت میں بھی بے تحاشہ اضافہ کر دیا، یوریا کھاد کی بوری 3200 سے 3500 روپے تک بیچی جا رہی ہے، حکومت نے ادویہ کی قیمتوں میں بھی پانچ سو سے چھ سو فیصد تک اضافہ کردیاہے، انہوں نے کہا کہ موجودہ حکومت کے وزیر روز بیان بازی کے لیئے نکل آتے ہیں جبکہ ملک میں مہنگائی کیوں ہوئی اس پر بات نہیں کرتے، آج اگر کوئی اس ملک کا بڑا دشمن ہے تو وہ عمران نیازی ہے، شازیہ مری نے کہا کہ یہ بے حس حکمران عوام پر مسلط کیے گئے ہیںجبکہ ان کے وزرا دوسروں پر کرپشن کے الزامات لگاتے ہیں سب سے زیادہ کرپشن عمران نیازی نے کی ہے، انہوں نے کہا کہ اس وقت ملک کا تجارتی خسارہ 30.7 فیصد تک جا پہنچا ہے اوراب عوام کے باہر نکلنے کا وقت آ چکاہے، تمام کسان پیدل اور اپنے ٹریکٹرز پر آج مارچ میں بھرپور شرکت کریں گے، انہوں نے کہا کہ یہ ایک سیاسی جماعت کا احتجاج نہیں بلکہ کسان اور مزدور کا مارچ ہو گا، کسان پاکستان کا سرمایہ ہے، کسانوں کو بچانے کے لئے عمران نیازی کو گھر جانا ہو گا، ایک سوال پر شازیہ مری نے کہا کہ عمران خان کی ناقص پالیسیوں کی وجہ سے معیشت کمزور ہوئی ہے، کورونا ایک حقیقت ہے ہم نہیں چاہتے کے لوگ خطرے میں پڑیںلیکن ایک کورونا وائرس عمران خان کی شکل میں بھی ملک میں موجود ہیں اس وائرس کا مقابلہ ہم ماسک پہن کر کریں گے، انہوں نے کہا کہ حالیہ ضمنی انتخابات میں پی ٹی آئی کو منہ کی کھانی پڑی اور کے پی کے میں بھی ان کو شکست نصیب ہوئی، انہوں نے کہا کہ صوبہ سندھ میں یوریا کھاد کو جمع کرکے گودام بھرنے والوں کے خلاف آپریشن ہونا چاہیے، یوریا کی قیمت وفاقی حکومت مقرر کرتی ہے، عمران خان جس چیز کا نوٹس لے لیتا ہے اس کا بیڑا غرق ہوجاتا ہے، عمران خان جیسے انسان کو اب حکومت میں رہنے کا کوئی حق نہیں ہے، شازیہ مری نے ایک سوال پر کہا کہ پاکستان دنیا کا تیسرا مہنگا ترین ملک قرار پایا ہے اس خطے میں پاکستان مہنگائی میں پہلے نمبر پر ہے، انہوں نے کہا کہ آصف زرداری عوام کی قوت اور طاقت ہے، انہوں نے بحیثیت صدر مملکت ملک کے لئے بہت اہم کام کئے ہیں۔
مزید اہم خبریں
-
خاموشی – ڈاکٹر مبارک علی کی تحریر
-
اسمارٹ فون 10 برسوں میں 83 فیصد مہنگے ہوئے
-
سونامی کیسے بنتے ہیں؟
-
چینی صدر شی جی پنگ آج اتوار کو فرانس پہنچ رہے ہیں
-
ناروے: ایک جنسی مجرم کی سوشل میڈیا تک رسائی کو انسانی حق قرار دینے کی اپیل
-
پاکستان: دیہی علاقوں میں شدید گرمی کے حاملہ خواتین پر اثرات
-
پولیس اہلکار پر نازیبا حرکات کا الزام، خواجہ سراؤں نے تھانے پر دھاوا بول دیا
-
جرمنی میں شرح پیدائش ایک دہائی کی نچلی ترین سطح پر
-
بجلی کی اوور بلنگ پر 3 سال کی سزا کا بل منظور
-
عرب ممالک میں ذوالحجہ چاند7جون کو نظرآنے‘ یوم عرفات 15 جون اور عید الاضحی 16 جون کو ہو نے کا امکان
-
بھارت کا نیپال کے جاری کردہ نئے 100 روپے کے کرنسی نوٹ پر شدید تحفظات کا اظہار
-
او آئی سی کو متحد ہو کر امت مسلمہ کو درپیش چیلنجز کا مربوط جواب دینا چاہیئے، وزیرِ خارجہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.