ہری پور میں 8 ملزمان گرفتار، منشیات برآمد

بدھ 26 جنوری 2022 16:58

ہری پور(اردو پوائنٹ تازہ ترین اخبار ۔ 26 جنوری 2022ء) ہری پور پولیس اور نارکوٹکس ایریڈیکشن ٹیم نے آٹھ ملزمان گرفتارکرکے بھاری مقدارمیں منشیات برآمدکرلی ہے،ڈی پی او ہری پور لیفٹیننٹ کمانڈر(ر)کاشف آفتاب احمدعباسی کی ہدایت پر ایس ایچ او تھانہ سٹی انسپکٹر محمد عارف نے نارکوٹکس ایریڈیکشن ٹیم اور دیگر پولیس نفری کے ہمراہ کاروائیاں کرتے ہوئے محمدسہیل ولدمحمداقبال سکنہ سریاسے1000 گرام ہیروئن برآمدکی۔

ایس ایچ او تھانہ سرائے صالح ساجد نواز نے محمد فیصل ولد مصری خان سکنہ شوراگ کے قبضہ سے980گرام چرس، ایس ایچ او کوٹ نجیب اللہ محمد اعجاز نے ہمراہ نارکوٹکس ایریڈیکشن ٹیم اور دیگر نفری پولیس کے کاروائی کرتے ہوئے حوس خان ولد میرا جان سکنہ کیمپ نمبر15کے قبضہ سے2015 گرام چرس برآمد کر لی۔

(جاری ہے)

ایس ایچ او تھانہ حطار شفیق الرحمان نے پولیس نفری کے ہمراہ کاروائیاں کرتے ہوئے منیب گل ولد اختر گل سکنہ کاٹلنگ حال حطارکے قبضہ سے 1230 گرام چرس،شکیل غنی ولد سید غنی سکنہ مردان حال نزرآباد کے قبضہ سے935گرام چرس برآمد کی۔

ایس ایچ او تھانہ خانپور نے شمریز خان ولدامریز خان سکنہ کھوئی میرا کے قبضہ سے 30 لیٹر شراب،ایس ایچ او تھانہ کھلابٹ صدیق شاہ نے عدنان ولدمحمداکبرسکنہ سکیٹر4حال داڑی چوک کے قبضہ سے 1090گرام چرس برآمد کر لی۔اے ایس پی سرکل غازی ڈاکٹر خدیجہ عمر کی نگرانی میں ایس ایچ او تھانہ غازی بشیر خان نے ہمراہ نفری پولیس کے کاروائی کرتے ہوئے سنیل گِل ولدجارج گِل سکنہ غازی کے قبضہ سے 30 لیٹر شراب برآمدکرکے ملزمان کے خلاف انسدادمنشیات ایکٹ کے تحت مقدمات درج کرلیے ہیں۔

Facebook Twitter Google + Share on Whatsapp

ہری پور میں 8 ملزمان گرفتار، منشیات برآمد

متعلقہ عنوان :

مزید مقامی خبریں