Live Updates

بریگیڈ یئر ریٹائرڈ مصدق عباسی کسی کی نہیں سنتے‘ چوروں ڈاکوؤں کو پکڑیں گے

وزیراعظم ایک نیا سخت اور ایکٹو افسر لائے ہیں‘ شہزاد اکبر کے جانے کا ماتم کرنے والے اب انتظار کریں اور دیکھتے ہیں مستقبل قریب میں کیا ہوتا ہے ۔ سینئر صحافی شاہین صہبائی کا تجزیہ

ساجد علی جمعرات 27 جنوری 2022 15:09

اسلام آباد ( اُردو پوائنٹ اخبارتازہ ترین ۔ 27 جنوری 2022ء ) بریگیڈ یئر ریٹائرڈ مصدق عباسی کسی کی نہیں سنتے ‘ چوروں ڈاکوؤں کو پکڑیں گے ، ان خیالات کا اظہار سینئر صحافی و تجزیہ کار شاہین صہبائی نے کیا ۔ تفصیلات کے مطابق سماجی رابطوں کی ویب سائٹ ٹوئٹر پر جاری کردہ اپنے پیغام میں انہوں نے کہا کہ وزیراعظم عمران خان کے نئے مشیر برائے احتساب بریگیڈیئر ریٹائرڈ مصدق عباسی ایک سیدھے شوٹر ہیں ، انہوں نے پیر پگارا کے آدمیوں کو بھی پکڑ لیا تھا جس پر پرویز مشرف کو مداخلت کرنا پڑی ۔

NEW ARMY CZAR: Brig MAbbasi is a straight shooter. He even caught Pir Pagaras men n Mush had to intervene. PM has now brought a NEW, TOUGH N ACTIVE Sheriff in Town for Chors n Dakoos. All those who mourn Shahzad Akbar's exit, shud now wait n see what happens in near future. Bravo
— SHAHEEN SEHBAI (@SSEHBAI1) January 27, 2022

شاہین صہبائی نے کہا کہ وزیراعظم اب چوروں اور ڈاکوؤں کے لیے ٹاؤن میں ایک نیا ، سخت اور ایکٹیو شیرف لائے ہیں ، شہزاد اکبر کی جگہ بریگیڈیئر عباسی اب چوروں ڈاکوؤں کو پکڑیں گے ، وہ ایک سیدھے سپاہی ہیں ، وہ کسی کی نہیں سنتے ، اس لیے شریف اب بچ نہیں سکتے ، تنقید کرنے والے ذرا انتظار کرلیں نظرآجا ئےگا عمران خان نے کیا زبردست فیصلہ کیا ، شہزاد اکبر کے جانے کا ماتم کرنے والے اب انتظار کریں اور دیکھتے ہیں مستقبل قریب میں کیا ہوتا ہے۔

(جاری ہے)

روزے گلے پڑگئے: شہزاد اکبرکی جگہ بریگیڈیرعباسی اب چوروں ڈاکوؤں کو پکڑیں گے وہ ایک سیدھے سپاہی ہیں انہوں نے پیر پگارا کے بندوں کو بھی رگڑ دیا تھا وہ کسی کی نہیں سنتے شریف اب بچ نہیں سکتے میرے آخری شو کے تبصرے پرتنقید کرنے والے ذرا انتظار کرلیں نظرآجاےگا خان نے کیا زبردست فیصلہ کیا
— SHAHEEN SEHBAI (@SSEHBAI1) January 27, 2022

یاد رہے کہ بریگیڈئیر (ر) مصدق عباسی کو وزیراعظم کا معاون خصوصی برائے احتساب کا قلمدان سونپ دیا گیا ہے ، کیوں کہ وزیر اعظم عمران خان کے معاون خصوصی برائے احتساب و داخلہ شہزاد اکبر اپنے عہدے سے مستعفی ہو گئے تھے، جس کے بعد بریگیڈئیر (ر) مصدق عباسی کو وزیراعظم عمران خان کا معاون خصوصی احتساب کا قلمدان دیا گیا ہے ،مصدق عباسی ماضی میں نیب میں اعلیٰ عہدوں پر فائز رہ چکے ہیں ، بریگیڈئیر (ر) مصدق عباسی کی بطور معاون خصوصی برائے احتساب تعیناتی کا نوٹی فکیشن بھی جاری کر دیا گیا ہے۔