جھوٹ اور دروغ گوئی کرنے والے حکمران شرم سے عاری ہو چکے ہیں، احسن اقبال

عوام کو مہنگائی کے سونامی میں ڈبونے والوں کا عوام ایسا احتساب کرینگے پھر کسی کو عوام کی آنکھوں میں دھول جھونکنے اور جھوٹ بولنے کی جرات نہیں ہو گی، رہنماء (ن) لیگ

جمعرات 27 جنوری 2022 17:02

جھوٹ اور دروغ گوئی کرنے والے حکمران شرم سے عاری ہو چکے ہیں، احسن اقبال

․قلعہ احمد آباد(اُردو پوائنٹ اخبارتازہ ترین - این این آئی۔ 27 جنوری2022ء) سابق وفاقی وزیر داخلہ و مرکزی جنرل سیکرٹری پاکستان مسلم لیگ (ن) احسن اقبال نے کہا ہے کہ جھوٹ اور دروغ گوئی کرنے والے حکمران شرم سے عاری ہو چکے ہیں، عوام مہنگائی اور بیروزگاری کی چکی میں پس رہے ہیں اور سلیکٹڈ ٹولے کے ترجمان اور وزراء کہتے ہیں کہ کھانے پینے کی اشیاء جلد ہی سستی ہونا شروع ہو جائیں گی۔

میڈیا سے گفتگو کرتے ہوئے احسن اقبال نے کہا کہ ریاست مدینہ قرضوں، خیرات اور چندے پر نہیں چلتی تھی۔ ہمارے خان صاحب کو ابھی تک یہ سمجھ نہیں آئی کہ پاکستان کو ریاست مدینہ بنانا ہے یا چین یا ترکی کا ماڈل اپنانا ہے۔ عوام کو مہنگائی کے سونامی میں ڈبونے والوں کا عوام ایسا احتساب کرینگے کہ پھر کسی کو عوام کی آنکھوں میں دھول جھونکنے اور جھوٹ بولنے کی جرات نہیں ہو گی۔

(جاری ہے)

اس موقع پر معروف شاعر، ادیب، کالم نگار اور صحافی محمد زاہد صدیقی کو مخاطب کرتے ہوئے مزید کہا کہ حکومت کو چاہئے کہ عوام کو ریلیف دینے کے لئے ہنگامی اقدامات کئے جائیں اشیائ خورد و نوش کی قیمتوں کو کنٹرول کیا جائے تاکہ مہنگائی میں پسی عوام سکھ کا سانس لے سکے لیکن موجودہ حکمرانوں سے ایسی توقع لگانا بہت بڑی حماقت ہے۔ انشاء اللہ مسلم لیگ (ن) دوبارہ اقتدار میں آ کر ان کے پھیلائے ہوئے گند کو نہ صرف صاف کرے گی بلکہ ملک کو دوبارہ ترقی کی راہ پر گامزن بھی کرے گی۔