Live Updates

پی ایس ایل 7 کی افتتاحی تقریب ، 20 منٹ کا خرچہ ڈھائی کروڑ روپے

گزشتہ سال کی ورچوئل افتتاحی تقریب پر20 کروڑ سے زائد خرچ ہوئے تھے: ذرائع

ذیشان مہتاب جمعہ 28 جنوری 2022 14:52

پی ایس ایل 7 کی افتتاحی تقریب ، 20 منٹ کا خرچہ ڈھائی کروڑ روپے

لاہور (اردو پوائنٹ تازہ ترین اخبار ۔ 28 جنوری 2022ء ) پی ایس ایل سیزن 7 کی صرف 20 منٹ کی افتتاحی تقریب پر ڈھائی کروڑ روپے خرچ کیے گئے۔ پی ایس ایل کے ساتویں سیزن کی رنگا رنگ افتتاحی تقریب نیشنل سٹیڈیم ،کراچی میں منعقد کی گئی تھی جس سے متعلق ذرائع کا بتانا ہے کہ 20 منٹ کی افتتاحی تقریب میں ڈھائی کروڑ کا خرچہ کیا گیا ۔

(جاری ہے)

افتتاحی تقریب میں گلوکار عاطف اسلم اور آئمہ بیگ نے اپنی آواز کا جادو جگایا جبکہ سٹیڈیم کی سکرین پر پاکستان کی 70 سالہ کرکٹ تاریخ ڈاکیومینٹری کی صورت میں پیش کی گئی، تقریب کے دوران آتش بازی اور دلکش لائٹنگ بھی کی گئی۔

ذرائع کا کہنا ہے کہ گزشتہ سال کی ورچوئل افتتاحی تقریب پر 20 کروڑ سے زائد خرچ ہوئے تھے ، 2021ء کی افتتاحی تقریب کا کچھ حصہ استنبول میں بھی ریکارڈ کیا گیا تھا۔ اس کے علاوہ 2021ء کی ورچوئل افتتاحی تقریب ٹیلی ویژن پر ریکارڈ شدہ دکھائی گئی تھی۔