Live Updates

محسن نقوی دور کے تماشے جاری ہیں، معافی وغیرہ کی باتیں صرف دل بہلانے کے لیے ہیں

بھارتی کپتان کے سیاسی بیان کو درگزر کر دیا گیا، بھارت سے میچ بھی ہارے اور کرکٹ کی سیاست بھی، متنازعہ میچ ریفری کو تبدیل کروانے میں ناکامی پر سینئر صحافی کی چئیرمین پی سی بی پر شدید تنقید

محمد علی جمعہ 19 ستمبر 2025 21:59

لاہور (اردو پوائنٹ تازہ ترین اخبار ۔ 19 ستمبر 2025ء ) سینئر صحافی کا کہنا ہے کہ محسن نقوی دور کے تماشے جاری ہیں، معافی وغیرہ کی باتیں صرف دل بہلانے کے لیے ہیں، بھارتی کپتان کے سیاسی بیان کو درگزر کر دیا گیا، بھارت سے میچ بھی ہارے اور کرکٹ کی سیاست بھی۔ تفصیلات کے مطابق متنازعہ میچ ریفری کو تبدیل کروانے میں ناکامی پر سینئر صحافی عامر رضا کی جانب سے چئیرمین پی سی بی پر شدید تنقید کی گئی ہے۔

اپنے ایک بیان میں انہوں نے کہا کہ "بھارت سے میچ بھی ہارے اور کرکٹ کی سیاست بھی۔ اصل خبر یہی ہے۔ یہ معافی وغیرہ کی باتیں صرف دل بہلانے کے لیے ہیں۔ پی سی بی کا موقف ہی غلط تھا۔ کھیل سے پہلے اور بعد میں ہاتھ ملانا فرض نہیں، لیکن بھارتی کپتان کے سیاسی بیان کو درگزر کر دیا گیا۔

(جاری ہے)

محسن نقوی دور کے تماشے جاری ہیں۔" دوسری جانب قومی کرکٹ ٹیم کے سابق کپتان اور ٹیم ڈائریکٹر محمد حفیظ کا کہنا ہے کہ پی سی بی کے سربراہ محسن نقوی پچھلے 3 سالوں میں کرکٹ کے حوالے سے کوئی اچھا فیصلہ نہیں کرسکے ہیں۔

نجی ٹی وی کے پروگرام میں بات کرتے ہوئے محمد حفیظ کا کہنا تھا کہ ’’جب سے محسن نقوی آئے ہیں، کوئی ایسا فیصلہ سامنے نہیں آیا جس سے کرکٹ ایک جگہ پر کھڑی ہو سکے۔ ذمہ دار تو آپ ہیں، کیونکہ فیصلہ ساز آپ ہیں۔ پچھلے تین سال سے جو کرکٹ کھیلی جا رہی ہے، وہ کسی طرح انٹرنیشنل معیار کے مطابق نہیں۔ جب ہم کسی ٹاپ کی ٹیم کے ساتھ میچ کھیلتے ہیں تو مِس میچ لگتا ہے، اور جب وہ اپنی بی یا سی ٹیم بھیجتے ہیں تو ہم اُن سے بھی ہار جاتے ہیں‘‘ ۔

جب سے محسن نقوی آیا ہے اور انہوں نے جو فیصلے لیے ہیں ہماری کرکٹ ایک جہگہ پر کھڑی ہی نہیں ہو رہی
پچھلے تین سال سے ہماری ٹیم انٹرنیشنل سٹینڈرڈ کی نہیں رہی جب ہم کسی انٹرنیشنل ٹیم کے ساتھ میچ کھیلتے ہیں تو مِس میچ لگتا ہے
محمد حفیظ pic.twitter.com/5Aqbkl0BiM
— Waqar khan (@Waqarkhan123) September 18, 2025

اس موقع پر وفاقی وزیر طارق فضل چوہدری نے ایشیاء کپ میں حالیہ پاک بھارت تنازع پر محسن نقوی کی حمایت کرتے ہوئے کہا کہ ’کرکٹ میں جو ہوا وہ ہماری اخلاقی برتری ہوئی، سپورٹ مین شپ شو کی ہم نے‘۔ سینئر سپورٹس صحافی مرزا اقبال بیگ نے طارق فضل چوہدری کو جواب دیتے ہوئے کہا کہ ’ایک ریفری کو نکالنے پر بضد تھے ہم، ہمارے چئیرمین نے تو یہ کہا تھا کہ ہم اُسے ایشیاء کپ میں نہیں دیکھنا چاہتے، وہ پھر بھی میچ ریفری ہے، اگر معذرت قبول کرنی تھی تو تین دن پہلے کر لیتے، قوم کو یوں مخمصے میں کیوں رکھا؟‘۔

کرکٹ میں جو ہوا وہ ہماری برتری ہوئی سپورٹ مین شپ شو کی ہم نے: فضل چوہدری
ایک ریفری کو نکالنے پر بضد تھے ہم، ہم نے کہا ہمیں اس پر اعتبار نہیں وہ پھر بھی میچ ریفری ہے اگر معذرت قبول کرنی تھی تو تین دن پہلے کر لیتے قوم کو کیوں یوں لٹکاۓ رکھا: سنیر سپورٹ تجزیہ نگار pic.twitter.com/w0wolo7xyJ
— Waqar khan (@Waqarkhan123) September 18, 2025