زرداری مافیا کا بلدیاتی بل آئینی روح کے برعکس ہے،علی زیدی

اس مافیا نے 14 سال سے سندھ میں لوٹ مار کے سوا کچھ نہیں کیا، جماعت اسلامی کو زرداری مافیا نے دھوکا دیا ،وفاقی وزیر کا ٹوئٹ

جمعہ 28 جنوری 2022 19:37

زرداری مافیا کا بلدیاتی بل آئینی روح کے برعکس ہے،علی زیدی

کراچی (اُردو پوائنٹ اخبارتازہ ترین - این این آئی۔ 28 جنوری2022ء) وفاقی وزیر اور صدر پی ٹی آئی سندھ سید علی زیدی نے آئین کے آرٹیکل 140A کا حصہ ٹوئٹ کرتے ہوئے کہا ہے کہ زرداری مافیا کا بلدیاتی بل آئین کی روح کے بالکل برعکس ہے، یہ ہر چیز پر قابض ہونا چاہتے ہیں۔علی زیدی نے کہا کہ اس مافیا نے 14 سال سے سندھ میں لوٹ مار کے سوا کچھ نہیں کیا، جماعت اسلامی کو زرداری مافیا نے دھوکا دیا ہے، یہی وعدے وزیر اعلی نے ٹرانسفارمیشن پلان کی میٹنگز میں کیے تھے۔

(جاری ہے)

وفاقی وزیر نے بتایا کہ جب سندھ حکومت سے سوال کیا گیا کہ وعدہ کب پورا کریں گے تو وزیراعلی نے تاریخ دینے سے انکار اور بدتمیزی کی، جب وعدہ پورا نہیں کیا تو میں سی ایم ہاوس میں میٹنگ سے واک آوٹ کر گیا تھا، اب انہوں نے اپنے وعدے پر عمل کرنے کی بجائے کالا قانون متعارف کرادیا ہے۔علی زیدی نے کہاکہ سندھ کے لوگ جانتے ہیں کہ زرداری مافیا نے لوٹ مار کے سوا کچھ نہیں کیا، اب ان کا وقت پورا ہو چکا ہے۔انہوں نے کہاکہ وفاق انہیں پولیس کو اپنی ذاتی ملیشیا کے طور پر استعمال نہیں کرنے دے گا، ہم 27 فروری کو ہر صورت گھوٹکی سے کراچی مارچ کریں گے۔