Live Updates

بابر اعظم کے ساتھ جو تصاویر وائرل ہوئیں وہ ایک فوٹوشوٹ کے دوران کی ہیں، میک آرٹسٹ

بابر اعظم بہت تمیز اور عزت سے بات کرتے ہیں، وہ پاکستان کا فخر ہیں، ابیہامامون کی گفگو

جمعہ 28 جنوری 2022 21:56

بابر اعظم کے ساتھ جو تصاویر وائرل ہوئیں وہ ایک فوٹوشوٹ کے دوران کی ہیں، ..

دبئی (اُردو پوائنٹ اخبارتازہ ترین - این این آئی۔ 28 جنوری2022ء) پاکستان کرکٹ ٹیم کے کپتان بابر اعظم کے ساتھ تصویر میں وائرل ہونے و الی میک آرٹسٹ ابیہامامون نے کہاہے کہ بابر اعظم کے ساتھ جو تصاویر وائرل ہوئیں وہ ایک فوٹوشوٹ کے دوران کی ہیں۔ اپنے بیان میں ۔ابیہا مامون نے کہاکہ بابر اعظم پاکستان کے لیے ایک سنسیشن ہیں، بابر اعظم کے ساتھ جو تصاویر وائرل ہوئیں وہ ایک فوٹوشوٹ کے دوران کی ہیں، جس کے لیے مجھے بابر کے میک اپ اور اسٹائلنگ کے لیے بطور میک آرٹسٹ رکھا گیا تھا، بعد ازاں بابر کے ساتھ لی گئی تصاویر کو میں نے اپنے انسٹاگرام اکاؤنٹ پر پوسٹ کیا جو وائرل ہو گئیں۔

خاتون کا کہنا تھا کہ وائرل تصویر کے بعد مداحوں کے مختلف اور ملے جلے تبصرے بھی دیکھنے کو ملے۔

(جاری ہے)

آرٹس کا کہنا ہے کہ میں نے بابر کے علاوہ بھی مختلف شخصیات (سلمان خان سے لیکر انیل کپور تک ، علی ظفر اور شہریار منور سمیت مختلف خواتین سلیبرٹیز ) کے ساتھ کام کرچکی ہوں لیکن وہ تصاویر کبھی وائرل نہیں ہوئیں تاہم بابر کے ساتھ والی تصویر وائرل ہوگئی۔

خاتون نے اس سوال کا جواب بھی خود دیتے ہوئے کہا کہ اس کی ایک وجہ پوسٹ کے ساتھ لکھا جانے والا کیپشن تھا کہ ’پھوپھو کی بیٹی‘ جس نے لوگوں کو تصویر پر متوجہ کیا، ابیہا کے مطابق یہ تصویر ٹی ٹوئنٹی ورلڈ کپ کے بعد نومبر میں لی گئی تھی۔دوران انٹرویو ابیہا کا بتانا تھا کہ میں نے بابر کے ساتھ صبح سے لیکر شام تک کام کیا، وہ بہت عزت کرنے والے انسان ہیں، وہ خواتین سمیت مردوں کی بھی بہت عزت کرتے ہیں۔ میک اپ آرٹسٹ نے مزید بتایا کہ بابر اعظم بہت تمیز اور عزت سے بات کرتے ہیں، وہ پاکستان کا فخر ہیں۔