قصور،پنجاب حکومت کی ہدایت پر ڈپٹی کمشنر کے دفترمیں ایمر جنسی ریلیف سنٹر کا ون ونڈو قائم

منگل 8 فروری 2022 22:17

قصور(اُردو پوائنٹ اخبارتازہ ترین - آن لائن۔ 08 فروری2022ء) پنجاب حکومت کی ہدایت پر ڈپٹی کمشنر کے دفترمیں ایمر جنسی ریلیف سنٹر نے ون ونڈو قائم کر دی گئی ہے جہاں پر تمام محکمہ جات کے افسران ہر ایمرجنسی سے نپٹنے کے لیے موجود ہوں گے، عوام کو دفتروں کے چکر لگانے کی بجائے ہر کام کے لیے اس ٹیلی فون نمبر049-2724954پر کال کرنا ہو گی جبکہ چیف سیکرٹری پنجاب کے حکم پر ضلع بھر کی تعمیر و ترقی کے لیے اٹھارہ نکاتی ایجنڈے کی تکمیل کے لیے عملی اقدامات کیے جا رہے ہیں ضلع بھر میں اربوں روپے مالیت کی سرکاری اراضی پر با اثر قبضہ گروپوں سے قبضہ واگزار کروا دیا گیا ہے۔

ان خیالات کا اظہار ڈپٹی کمشنر قصور فیاض احمد موہل نے ایمر جنسی ریلیف سنٹر میں میڈیابریفنگ کے دوران کیا اس موقع پر ایڈیشنل ڈپٹی کمشنر ریونیو محمد ارشد بھٹی ڈپٹی ڈائریکٹر ڈویلپمنٹ میاں سعد بن شبیر چیف آفیسر ضلع کونسل قصور عمران اصغر سندھو پی اے ڈپٹی کمشنر محمد سرور انصاری ،محمد ارشد و دیگر بھی موجود تھے۔

(جاری ہے)

انہوں نے بتایا کہ چیف سیکرٹری پنجاب کی ہدایت پر ضلع بھر کی خوبصورتی اور عوام کو سہولتیں فراہم کرنے کے لیے ضلع بھر کی سیوریج سکیموں کے مین ہولز کور وں کو یقینی بنایا جا رہا ہے ٹریفک کو کنٹرول کرنے کے لیے 1398سرکاری اور 988پرائیویٹ سکولوں کو پابند کر دیا گیا ہے کہ چھٹی کے وقت بچوں کو سکول سے باہر نکالنے کے لیے روزنہ کی بنیاد پر ایک ٹیچر مقرر کیا جائے گا جس کو ضلعی انتظامیہ چیک کر ے گی ان کے ساتھ ٹریفک پولیس بھی معاونت کر ے گی ضلع بھر کی بند سٹریٹ لائٹس کو فنگشنل کیا جائے گا واپڈا کے نادہندہ ہونے والی لوکل کونسلوں کے سربراہان اور لیسکو واپڈا افسران پر مشتمل کمیٹی تشکیل دے دی گئی ہے تا کہ بجلی کی بحالی یقینی ہو سکے نئی تعمیر ہونے والی بلڈنگوں سے کمرشلائزیشن فیس وصول کر کے بلڈنگوںکو بائی لاز کے مطابق تعمیر کروایا جائے گا سلاٹر ہائوسز کو فنگشنل کیا جائے گا صرف مہریں لگوا کر گوشت فروخت نہیں ہو نے دیا جائے سلاٹر ز ہائوس میں جانور ذبح ہو ں گے شہر کی خوبصورتی کو ماند کرنے والی وال چاکنگ کا خاتمہ یقینی بنایا جا رہا ہے واٹر سپلائی سکیموں کے رنگ آلود پائپوں کی درستگی گائوں میں موجود چھپڑوں کو ختم کر کے متبادل دیا جائے گا ضلع بھر کے ہسپتالوں، ڈسٹرکٹ ہیڈ کوارٹر ہسپتال ،تحصیل ہیڈ کوارٹرز ہسپتال ،رورل ہیلتھ سنٹر کی تعمیر و مرمت ،صفائی ستھرائی بھی کرائی جائے گی ضلع بھر کی مسجدوں کے پیشِ امام اور سکولوں کے ہیڈ ماسٹرز کو تاکید کی جا رہی ہے کہ اپنے اپنے لیٹریچر میں صفائی کی اہمیت اجاگر کریں ضلع بھر کی سرکاری بلڈنگوں کی تیزئین و آرائش رنگ و روغن وائٹ واش جبکہ ڈپٹی کمشنر کمپلیکس میں کام شروع کر دیا ہے گرین بلیٹوں کے لیے مخصوص فنڈز کو کسی اور کام کے لیے استعمال نہیں کیا جائے گا پودا جات و دیگر خوبصورتی نمایاں کرنے کے لیے کام کیا جائے گا سڑکوں کے کنارے نصب بڑے بڑے آویزاں بور ڈوں کو حکومتی سپیسیفیکیشن کے مطابق کروایا جائے گا جبکہ ضلع بھر سے اکٹھے ہونے والے کوڑا کرکٹ کو پھینکنے کے لیے ڈپمنگ پوائنٹ فراہم کیے جائیں گے۔

دھواں چھوڑنے والی اور اوور لوڈنگ گاڑیوں کیخلاف جرمانے اور بند کی گئیں وزیر اعلیٰ پنجاب پروگرام کے تحت ضلع قصور کی دو سڑکات لاہور قصور روڈ اور دیپالپور روڈ دوسو ملین سے مرمت کی جائیں گی جبکہ گلیوں بازاروں اور سڑکوں میں واپڈ ا کی لٹکتی تاروں کی درستگی اور خستہ ہال ٹرانسفارمروں کی تبدیلی شامل ہے ۔ چیف سیکرٹری پنجاب کی خصوصی ہدایت پر جاری کاموں کو بلاتفریق شفاف طریقہ سے مکمل کیا جا رہا ہے