گلبرگ شاپنگ مال پلازہ میں لگنے والی آگ پر شاپنگ مال یونین نے پلازہ مالکان کے خلاف کارروائی کیلئے درخواست دیدی

پیر 14 مارچ 2022 18:15

لاہور(اُردو پوائنٹ اخبارتازہ ترین - این این آئی۔ 14 مارچ2022ء) گلبرگ شاپنگ مال پلازہ میں لگنے والی آگ پر شاپنگ مال یونین نے پلازہ مالکان کے خلاف تھانہ گلبرگ میں درخواست دے دی ۔

(جاری ہے)

درخواست کے متن میں کہاگیاہے کہ ماہ قبل پلازہ مالک آمنہ تاثیر، ان کے بیٹوں شہباز اور شہریار تاثیر سمیت دیگر افراد نے ہم سے میٹنگ کی، میٹنگ میں ہم سے کہا گیا جتنے پیسے چاہیے لے لیں پلازہ کا قبضہ ہمیں دلوا دیں،ہم نے آمنہ تاثیر کی آفر ٹھکرا دی اور دو ماہ بعد گزشتہ رات اچانک پلازہ میں آگ لگ گئی۔پلازہ کو روٹین کے مطابق 11:30 پر بند کردیا گیا اور مین بجلی کا بریکر بند کردیا گیا تو کیسے آگ لگ گئی۔آگ لگانے میں مینجمنٹ کا ہاتھ ہے اس کے خلاف کاروائی عمل میں لائی جائے