Live Updates

عوام کو اسلام آباد سیاست کیلئے نہیں بلکہ انقلاب کیلئے بلا رہا ہوں، عمران خان

پاکستان کو امریکی غلامی اور تھری اسٹوجز سے آزادی دلانی ہے، ملک کی قیادت کا فیصلہ مفرور نہیں عوام کرے گا، پیغام دیتا ہوں کہ اگر الیکشن کی تاریخ نہ دی توعوام کا سمند ر سب کو بہا کر لے جائے گا۔چیئرمین پی ٹی آئی کا مردان میں خطاب

Sanaullah Nagra ثنااللہ ناگرہ جمعہ 13 مئی 2022 20:03

عوام کو اسلام آباد سیاست کیلئے نہیں بلکہ انقلاب کیلئے بلا رہا ہوں، ..
اسلام آباد (اردوپوائنٹ اخبارتازہ ترین۔ 13مئی 2022ء) پاکستان تحریک انصاف کے چیئرمین اور سابق وزیر اعظم عمران خان نے کہا ہے کہ عوام کو اسلام آباد سیاست کیلئے نہیں بلکہ انقلاب کیلئے بلا رہا ہوں، پاکستان کو امریکی غلامی اور تھری اسٹوجز سے آزادی دلانی ہے، ملک کی قیادت کا فیصلہ مفرور نہیں عوام کرے گا، پیغام دیتا ہوں کہ اگر الیکشن کی تاریخ نہ دی توعوام کا سمند ر سب کو بہا کر لے جائے گا۔

انہوں نے مردان میں عوامی جلسے سے خطاب کرتے ہوئے کہا کہ تبدیلی آ نہیں رہی تبدیلی آگئی ہے، مردان کے لوگو،میرایہاں آنے کا مقصد کہ آپ سب کو تیار کررہاہوں کہ جب کال دوں گا تو آپ نے میرے ساتھ اسلام آباد آنا ہے،میں آپ کو اسلام آباد سیاست کیلئے نہیں انقلاب کیلئے بلا رہا ہوں، پاکستان کو حقیقی آزادی کی جدوجہد کیلئے آپ کے پاس آیا ہوں، نوجوان کون ہیں جو میری عمر سے کم عمر کا ہے، یعنی جو 70سال سے کم عمر کا ہے وہ نوجوان ہے،میں بچوں کو بھی دعوت دینے آیا ہوں، جس طرح تحریک پاکستان میں خواتین بچے سب شامل تھے۔

(جاری ہے)

لندن میں بیٹھا مفرور ڈاکو بھی سن لے، تم نے اس ملک کے فیصلے نہیں کرنے ، قوم فیصلہ کرے گی کہ پاکستان کی قیادت کون کرے گا، یہ پاکستان پر فیصلہ کن وقت ہے، امریکا کے غلام اور ڈاکوؤں کا ٹولہ تھری اسٹوجز ، شریف، زرداری بڑی بیماری، اور ڈیزل ہے، ڈیزل نے آتے ہی سب سے زیادہ پیسے والی وزارت پکڑ لی ہے، این ایچ اے سڑکیں بنانے میں سب سے زیادہ کمیشن ہوتی ہے، مردان کے لوگوں سن لیں سب کو یہاں کھڑے ہوکر پیغام دے دیا ہے، اگر الیکشن کی تاریخ نہ دی تو جو سمند ر اسلام آباد آرہا ہے یہ سب کو بہا کر لے جائے گا، پورا پاکستان تیار ہے، ملک کی توہین کی گئی، قوم کو ذلیل کیا گیا، امریکا میں ایک چھوٹا سا سرکاری نوکر ڈونلڈ لو ہمارے سفیر کو کہتا ہے کہ اگر عمران خان کو وزارت اعظمیٰ سے نہ ہٹایا گیا تو امریکا ، اگر بوٹ پالش چیری بلاسم کو وزیراعظم بنا دیا گیا تو پاکستان کو معاف کردیا جائے گا،ہم ان کے نوکر یا غلام نہیں ہیں، شہبازشریف ، آصف زرداری جس کے اربوں ڈالر باہر پڑے ہیں، نواز شریف جس سے بڑا بزدل کوئی نہیں دیکھا ہر وقت دم دبا کر باہر بھاگ جاتا ہے، ڈیزل غلام ہے، ڈیزل کے پرمٹ پر بکنے والے کو مولانا نہیں کہہ سکتا، میں دینی مولانا کی بڑی عزت کرتا ہوں۔

وہ امریکا سے کہتا مجھے بھی موقع دیں میں بھی خدمت کروں گا۔
Live عمران خان کی احتجاجی تحریک سے متعلق تازہ ترین معلومات