امریکا کی جانب سے اتحادی کا درجہ ختم کرنے پرپریشانی نہیں ، ترجمان طالبان

جمعرات 7 جولائی 2022 20:35

کابل(اُردو پوائنٹ اخبارتازہ ترین - این این آئی۔ 07 جولائی2022ء) طالبان حکومت کے ترجمان ذبیح اللہ مجاہد نے کہا ہے کہ امریکا سے 10 سالہ پرانا معاہدہ ختم ہونے پرکوئی پریشانی نہیں۔طالبان کے ترجمان ذبیح اللہ مجاہد نے بیان میں کہا کہ افغان عوام نے گزشتہ 20 سالوں کے دوران بہت مشکلات اٹھائی ہیں۔ امریکا کے نام اورغیرنیٹو اتحادی بننے سے افغان عوام کو کوئی فائدہ نہیں پہنچا۔

(جاری ہے)

ذبیح اللہ مجاہد نے کہا کہ طالبان حکومت کو امریکا کی جانب سے معاہدہ ختم کرنے پر کوئی پریشانی نہیں ہے۔امریکا نی2012 میں افغانستان کوغیرنیٹو اتحادی کے طورپر تسلیم کیا تھا اوراس سلسلے میں سابق امریکی وزیرخارجہ ہیلری کلنٹن اورافغان صدر حامد کرزئی نے مشترکہ طورپر اعلان کیا تھا۔امریکی صدر جوبائیڈن نے ایوان نمائندگان کے نام خط میں کہا ہے کہ وہ افغانستان کی غیرنیٹو اتحادی کے طورپر رکنیت ختم کرنا چاہتے ہیں۔