وفاقی دارالحکومت اسلام آباد میں انسداد پولیو مہم ( پرسوں ) شروع ہوگی

ہفتہ 20 اگست 2022 14:24

اسلام آباد (اُردو پوائنٹ اخبارتازہ ترین - اے پی پی۔ 20 اگست2022ء) اسلام آباد میں انسداد پولیو مہم پرسوں (سوموار 22اگست 2022 سے) شروع ہوگی ۔ڈپٹی کمشنر اسلام آباد عرفان نواز میمن نے کہا کہ اسلام آباد میں پولیو مہم دوبارہ شروع کی جارہی ہے ۔

(جاری ہے)

انہوں نے کہا کہ اسلام آباد میں اربن اور رورل علاقوں میں بچوں کوپولیو کے قطرے پلائے جائیں گے،پولیو ورکرز گھر گھر جا کر بازاروں میں اور موبائل وین کے ذریعے بچوں کو پولیو سے بچاو کے قطرے پلائیں گے۔

ڈپٹی کمشنر اسلام آباد نے کہا کہ ملک سے پولیو کے تدارک کے کے لئے پولیو ورکرز کلیدی کردار ادا کررہے ہیں۔ ڈپٹی کمشنر نے والدین سے گزارش کی ہے کہ بچوں کو پولیو کے قطرے پلانے کے لئے عملے سے تعاون کریں،اسلام آباد انتظامیہ پولیو تدارک کے لئے موثر اقدامات کر رہی ہے۔