الخدمت فائونڈیشن دکھ اور تکلیف کی گھڑی میں سیلاب متاثرین کیساتھ ہے، میاں محمد اسلم

شہید، زخمی ہونیوالوں، املاک ، فصلات ،جانوروں کے نقصانات کے ازالے کیلئے اعلان کردہ حکومتی امدادی پیکیجز فوری متاثرین کو ادا کئے جائیں، نائب امیر جماعت اسلامی

جمعہ 23 ستمبر 2022 20:33

ڈیرہ اسماعیل خان(اُردو پوائنٹ اخبارتازہ ترین - این این آئی۔ 23 ستمبر2022ء) جماعت اسلامی پاکستان کے مرکزی نائب امیر میاں محمد اسلم نے کہا ہے کہ الخدمت فانڈیشن متاثرین سیلاب کی دکھ اور تکلیف کی اس گھڑی میں ان کے ساتھ ہے، حالیہ سیلاب ملکی تاریخ کا سب سے بڑا سیلاب ہے، 100اضلاع اس سے متاثر ہوئے ہیں، 1500سے زائد شہادتیں ہوئیں،لاکھوں افراد بے گھر ہوئے، ان کی املاک کو نقصان پہنچا، حکومت نے شہید، زخمی ہونیوالوں، املاک ، فصلات اور جانوروں کے نقصانات کے ازالے کیلئے جو امدادی پیکیجز اعلان کئے ہیں وہ فوری طور متاثرین سیلاب کو ادا کئے جائیں۔

ان خیالات کا اظہار انہوں نے ڈیرہ اسماعیل خان میں پروآ، عادل سپرا اور گاں رشید میں سیلاب کی تباہ کاریوں کے جائزہ کیلئے کئے گئے دورہ کے موقع پر پریس کانفرنس میں کیا۔

(جاری ہے)

اس موقع پر صوبائی نائب امیر جماعت اسلامی خیبر پختونخوا مولانا تسلیم اقبال، ضلعی امیر جماعت اسلامی ڈیرہ مولانا سلیم اللہ ارشد،ضلعی صدر الخدمت فاو نڈیشن ڈیرہ منظر مسعود خٹک اور اعجازاعوان بھی موجود تھے۔ اس موقع پرپروآ میں 200متاثرین سیلاب میں راشن بھی تقسیم کیا گیا جس میں اشیائے خوردونوش کا سامان شامل تھا۔جماعت اسلامی پاکستان کے مرکزی نائب امیر میاں محمد اسلم کا کہنا تھا کہ ڈیرہ اسماعیل خان میںسب سے زیادہ نقصان ہوا ہے۔