جامعہ سندھ میں انٹر یونیورسٹی بیڈمنٹن چیمپین شپ 2022-23میں شمولیت کیلئے بیڈمنٹن کھیلنے کے ٹرائلز یکم نومبر کوہونگے

جمعرات 27 اکتوبر 2022 23:03

حیدرآباد (اُردو پوائنٹ اخبارتازہ ترین - اے پی پی۔ 27 اکتوبر2022ء) جامعہ سندھ جامشورو کی جانب سے انٹر یونیورسٹی بیڈمنٹن چیمپین شپ 2022-23میں شمولیت کیلئے بیڈمنٹن کھیلنے کے خواہشمند طلبہ کے ٹرائلز یکم نومبر کو صبح 10 بجے حیدر بخش جتوئی پویلین میں منعقد کرنے کا اعلان کیا گیا ہے اس سلسلے میں ڈائریکٹر اسپورٹس (بوائز،جامعہ سندھ اجوید احمد نے اپنے جاری کردہ اعلامیہ میں مطلع کیا ہے کہ انٹر یونیورسٹی بیڈمنٹن چیمپین شپ 2022-23کیلئے سلیکشن کمیٹی خواہشمند طلبہ کے ٹرائلز یکم نومبر کو لے گی انہوں نے مشورہ دیا کہ ٹرائلز کیلئے آنے والے طلبہ ہائیر ایجوکیشن کمیشن کے قواعد و ضوابط کے تحت مکمل کٹ کے ساتھ سلیکشن کمیٹی کے روبرو پیش ہوں، تاہم ان کی عمر 25سال سے کم ہونی چاہئے۔

(جاری ہے)

اعلامیہ کے مطابق طلبہ میٹرک و انٹرمیڈیٹ کے سرٹیفکیٹ، انرولمنٹ، یونیورسٹی آئی ڈی کارڈ، قومی شناختی کارڈ، کوووڈ ویکسینیشن کارڈ اور 2عدد پاسپورٹ سائیز فوٹوگرافس ضرور اپنے ہمراہ لائیں۔