قرآن مجید کی بیحرمتی پر پی ٹی آئی رکن سندھ اسمبلی راجہ اظہر کا صدر مملکت کو خط

قرآن مجید کی بیحرمتی پر حکومت کی خاموشی انتہائی افسوسناک اور تشویشناک ہے، راجا اظہر

پیر 30 جنوری 2023 21:50

کراچی(اُردو پوائنٹ اخبارتازہ ترین - این این آئی۔ 30 جنوری2023ء) پاکستان تحریک انصاف کے رکن سندھ اسمبلی و نائب صدر سندھ راجہ اظہر نے سویڈن میں قرآن مجید کی بیحرمتی پر صدر مملکت کو خط لکھا، خط کے متن میں راجا اظہر نے کہا کہ سویڈن میں قرآن مجید کی حرمت پر حکومت پاکستان کا کوئی خاص ردعمل سامنے نہیں آیا راجا اظہر نے لکھا کہ واقعے سے پاکستان اور دنیا بھر میں بسنے والے مسلمانوں کی دل آزاری ہوئی، قرآن مجید کی حرمت پر حکومت کی خاموشی انتہائی افسوسناک اور تشویشناک ہے، معاملے پر او آئی سی سمیت مسلمان ریاستوں نے عالمی سطح پر احتجاج ریکارڈ نہیں کیا، پاکستان صرف نام سے اسلامی جمہوریہ نہیں،ہم آئین کی رو سے بھی قرآن و سنت کو مقدم رکھتے ہیں، آزادی اظہارِ رائے کی آڑ میں مسلمانوں کی دل آزاری ناقابل برداشت ہے، قرآن مجید کی بیحرمتی کرنے والے عناصر کیخلاف سخت سزاؤں کا تعین ضروری ہے، اقوام متحدہ پابند کرے کہ قرآن مجید کی حرمت سے متعلق ایسے واقعات دوبارہ نہ ہوں، سویڈن میں پیش آنے والے واقعے پر سویڈن ہائی کمیشن کو بذریعہ خط تحفظات سے آگاہ کیا ہے۔