پنجگور کے علاقے میں ٹریفک حادثے میں ایک شخص جاں بحق ، ایک زخمی

اتوار 26 مارچ 2023 23:10

پنجگور(اُردو پوائنٹ اخبارتازہ ترین - این این آئی۔ 26 مارچ2023ء) پنجگور ناگ میں ٹریفک حادثہ پی پی ایچ آئی پنجگور کا ایک ملازم جان بحق جبکہ ایک زخمی ہوگیا ،زخمی ریحان خالد کو ابتدائی طبی امداد دینے کے بعد کراچی منتقل کردیاگیا۔

(جاری ہے)

تفصیلات کے مطابق پی پی ایچ آئی پنجگور کے ملازم ریحان خالد اور زوہیب رضا کوئٹہ سے پنجگور آرہے تھے کہ ناگ کے مقام پر انکی گاڑی مخالف سمت سے آنے والی زمباد گاڑی سے ٹکراگئی جس کے نتیجے میں پی پی ایچ آئی کا انٹرنل آڈیٹر زوہیب رضا شہید ہوگئے جبکہ فنانس آفیسر ریحان شدید زخمی ہوگئے جنہیں بعدازان کراچی منتقل کردیاگیا ۔