آئین کے مطابق مردم شماری کے بعد الیکشن ہوگا: خواجہ سعد رفیق

پیر 27 مارچ 2023 22:42

لاہور (اُردو پوائنٹ اخبارتازہ ترین - آن لائن۔ 27 مارچ2023ء) وفاقی وزیر ریلوے خواجہ سعد رفیق نے کہا ہے کہ آئین کہتا مردم شماری کے بعد الیکشن ہوگا ،عمران خان سے کیسے بات کریں وہ تو 11ہزار وولٹ کا کرنٹ مارتے ہیں۔

(جاری ہے)

پریس کانفرنس کرتے ہوئے خواجہ سعد رفیق نے کہا کہ اگر کل الیکشن دو اسمبلیوں کا کروا دیتے ہیں تو نئی مردم شماری کے بعد ایک نئی لڑائی شروع ہوجائے گی ، اگر پنجاب یا خیبر پختوانخواہ میں الیکشن ہوجائے تو جو بھی جیتے وہ وفاق کے انتخابات میں طاقت دکھائے گاپھر الیکشن کو کون مانے گا۔ انہوں نے کہا کہ عدالت یا فوج کی ذمہ داری نہیں کہ الیکشن کیسے کروانا ہے بلکہ یہ سیاستدانوں کا کام ہے اب عمران خان سے کیسے بات کریں وہ تو آگے سے 11ہزار وولٹ کا کرنٹ مارتے ہیں۔