۵جی سکس ٹو سی ڈی اے ہسپتال سے باہر آنے والی خاتون کو ڈکیت نے پانچ تولے زیوارات سے محروم کر دیا،مقدمہ درج

بدھ 17 مئی 2023 20:30

ِاسلام آباد(اُردو پوائنٹ اخبارتازہ ترین - آن لائن۔ 17 مئی2023ء) تھانہ آبپارہ کے علاقے سیکٹر جی سکس ٹو سی ڈی اے ہسپتال سے باہر آنے والی خاتون کو ڈکیت نے پانچ تولے زیوارات سے محروم کر دیا۔پولیس نے مقدمہ درج کر کے تفتیش شروع کردی ہے۔ تفصیلات کے مطابق مدعیہ مقدمہ زرمینہ شاہین ، ظہور احمد (مرحوم) کی بیوہ ہوں۔اور اسلام آباد کی رہائشی ہوں میں سی ڈی اے ہسپتال سے نکلی۔

(جاری ہے)

تو ٹیکسی پر بیٹھے لگی تھی تو ایک آدمی موٹر سائیکل پے میرے پاس آیا اور کہنے لگاکہ میں آپ کو جانتا ہوں میرے چچا آپ کی پچھلی گلی میں جس کا نام حاجی ارشد ہے اور میرا نام عثمان ہے اور کہنے لگاکہ آپ یہ زیور اتار دو۔حالات بہت خراب ہیں۔ میں زیور اتار کر اپنے پاس رکھنے لگی تو وہ کھینچ کرلے گیا اور بھاگ گیا دو کڑے، ایک لاکٹ تقریبا 5 تولہ وزن تھا یہ واقعہ 11:30am پیش آیا ہے۔ نامعلوم ملزم کے خلاف قانونی کارروائی کی جائے۔تھانہ آبپارہ پولیس نے نامعلوم ڈکیت کے خلاف مقدمہ نمبر 402/23 بجرم 382 درج کرکے مزید تفتیش شروع کردی ہے۔ عامر چوہدری