نگران وزیراعلیٰ پنجاب کا پی کے ایل آئی کا دورہ، ادارے کے ضروری ایشوز کو ترجیحی بنیادوں پر حل کیا جائیگا: محسن نقوی

پی کے ایل آئی میں نئی بھرتیوں کی اصولی منظوری، خالی آسامیوںپر بھرتی کیلئے ترجیحی بنیادوں پر قانونی کارروائی مکمل کرنیکی ہدایت !5ارب روپے سے پی کے ایل آئی کا انڈوومنٹ فنڈقائم، مزید فنڈز دینگے ،فلٹر کلینکس کوفوری طورپر بحال کرنے کی ہدایت

پیر 22 مئی 2023 23:36

لاہور (اُردو پوائنٹ اخبارتازہ ترین - آن لائن۔ 22 مئی2023ء) نگران وزیراعلیٰ پنجاب محسن نقوی نے پاکستان کڈنی اینڈ لیور ٹرانسپلانٹ انسٹی ٹیوٹ کا دورہ کیا اور پی کے ایل آئی کے بورڈ آ ف گورنرز کے چیئرپرسن پروفیسرڈاکٹر سعید اختر اورڈاکٹرزسے ملاقات کی۔ نگران وزیراعلیٰ محسن نقوی نے اس موقع پر گفتگو کرتے ہوئے کہا کہ ادارے کے ضروری ایشوز کو ترجیحی بنیادوں پر حل کیا جائے گا۔

محسن نقوی نے پی کے ایل آئی میں نئی بھرتیوں کی اصولی منظوری دی اور ہدایت کی کہ پی کے ایل آئی میں خالی آسامیوںپر بھرتی کیلئے ترجیحی بنیادوں پر قانونی کارروائی مکمل کی جائے۔انہو ںنے کہا کہ 5ارب روپے سے پی کے ایل آئی کا انڈوومنٹ فنڈقائم کیا گیا ہے اور انڈوومنٹ فنڈ کیلئے مزید فنڈز دیئے جائیں گے۔

(جاری ہے)

نگران وزیراعلیٰ محسن نقوی نے پی کے ایل آئی میں ریسرچ ڈویلپمنٹ کیلئے فلٹر کلینکس کوفوری طورپر بحال کرنے کی ہدایت کی۔

فلٹر کلینکس میں موجود مریض ویڈیولنک کے ذریعے سپیشلسٹ ڈاکٹروں کی رائے حاصل کرسکیںگے۔ پی کے ایل آئی کے ذریعے میڈیکل ایجوکیشن اورریسرچ کو فروغ دیا جائے گا اور پی کے ایل آئی میں سٹیٹ آف دی آرٹ کنٹرول اینڈکمانڈ سینٹر قائم کیا جائے گا۔ انہو ںنے کہا کہ دکھی انسانیت کی خدمت سے بڑھ کر کوئی عبادت نہیں۔ پر وفیسر ڈاکٹر سعیداختر نے پی کے ایل آئی کی کارکردگی اور دیگر امور کے بارے میں بریفنگ دی۔ محسن نقوی نے انسٹی ٹیوٹ میں علاج معالجے کیلئے فراہم کردہ سہولتوں کا جائزہ لیا۔ صوبائی وزیر سپیشلائزڈ ہیلتھ کیئر اینڈمیڈیکل ایجوکیشن ڈاکٹر جاوید اکرم،چیف سیکرٹری ،سیکرٹری صحت اوردیگرحکام بھی اس موقع پرموجود تھی