دنیا میں36کروڑ افراد دمہ میں مبتلا ، بروقت تشخیص و علاج ضروری ہے ‘پروفیسر الفرید ظفر
ماحولیاتی آلودگی پر قابو پانے کیلئے احتیاطی تدابیر و ٹریفک قوانین پر سختی سے عملدرآمد کرنا ہوگا‘پرنسپل پی جی ایم آئی سانس میں رکاوٹ ، پولن الرجی میں انہیلر فوری ریلیف فراہم کرنے کا سبب ہے ‘ طبی ماہرین کا جنرل ہسپتال میں سیمینار سے خطاب
پیر 29 مئی 2023 19:32
(جاری ہے)
انہوں نے کہا کہ دمہ کے مریضوں کیلئے ہر موسم ہی مشکل ہوتا ہے لیکن سردیاں بہت خطرناک ثابت ہوتی ہیں۔
وٹامن اے اور ڈی سے بھرپور غذائیں بہتری لاتی ہیں۔پروفیسر الفرید ظفر نے لاہور جنرل ہسپتال میں "دمہ "کے مرض کی روک تھام اور احتیاطی تدابیر کے حوالے سے منعقدہ آگاہی واک و سیمینار کے شرکاء سے خطاب کرتے ہوئے کیا ۔ یہ امر قابل ذکر ہے کہ رواں سال عالمی ادارہ صحت نے ایستھما کا عنوان"Asthma Care for All"ہے جس کا مقصد لوگوں میں زیادہ سے زیادہ آگاہی پھیلا کر دمہ کے مرض میں مبتلا مریضوں کی دیکھ بھال و علاج پر خصوصی توجہ دلانا ہے ۔اس موقع پر پروفیسر صولت اللہ خان ، ڈاکٹر جاوید مگسی ،پروفیسر ڈاکٹر محمد شاہد، ایم ایس ڈاکٹر خالد بن اسلم ، ڈاکٹر عرفان ملک ، ڈاکٹر حافظہ شافیہ ناز، ڈاکٹر نادیہ ارشد، ڈاکٹر عمر چیمہ اورڈاکٹر عبدالعزیز نے بھی اظہار خیال کیا جبکہ واک اور سیمینار میں ڈاکٹرز ،سٹوڈنٹس اور پیرا میڈیکس بڑی تعداد میں موجود تھے ۔ پروفیسر الفرید ظفر کا کہنا تھا کہ کرہ ارض پر درخت و جنگلات تیزی سے کم ہو رہے ہیں اوراس کی جگہ بلند بالا عمارات اور کارخانوں نے لے لی ہے جبکہ انڈسٹری سے اٹھتا ہوا دھواں اور شہروں کی سڑکوں پر دوڑنے والی لا تعداد گاڑیاں جو بغیر فٹس کے دھواں چھوڑ رہی ہیں اور جو نہ صرف مذکورہ بیماری میں مبتلا مریضوں کے مسائل میں اضافے کا باعث ہے بلکہ بیماری کے پھیلاؤ میں بھی تیزی سے اضافہ ہو رہا ہے۔پرنسپل پی جی ایم آئی نے کہا کہ ماحولیاتی آلودگی پر قابو پانا انتہائی ضروری ہے جس کیلئے متعلقہ محکموں کو ٹریفک قوانین پر سختی سے عملدرآمد کروانا ہوگا اور بھٹہ خشت ،بڑے کارخانوں میں "سموگ فری ٹیکنالوجی" کا استعمال بھی یقینی بنانا چاہیے تاکہ صنعتوں کا پہیہ بھی چلتا رہے اور لوگوں کی صحت بھی محفوظ رہے۔ ڈاکٹر جاوید مگسی ، ڈاکٹر عرفان ، ڈاکٹرحافظہ شافیہ ناز نے کہا کہ بعض علاقوں میں درختوں کی" پولن الرجی" بھی لوگوں کو متاثر کرتی ہے اور لوگ عارضی طور پر دمہ کا شکار ہو جاتے ہیں ۔انہوں نے کہا کہ نظام تنفس کی بیماری متاثرہ شخص میں امراض قلب ، بلند فشار خون اور دیگر صحت کے مسائل پیدا کرنے کا باعث بنتی ہے جس کے لئے ضروری ہے کہ ایستھما یا دمہ کاعلاج مستند معالج سے کروایا جائے اور سانس لینے میں کسی قسم کی دشواری یا علامات محسوس ہوں تو فوری تشخیص ضروری ہے تاکہ بر وقت علاج معالجہ شروع کر کے مرض کی شدت کو بڑھنے سے روکا جا سکے۔انہوں نے کہا کہ عام طور پر "انہیلر" کا استعمال مریضوں کو فوری ریلیف فراہم کرتا ہے تاہم ڈاکٹر زکے مشورے اور تشخیصی رپورٹ کی روشنی میں علاج معالجہ شروع کروانا چاہیے ۔ایم ایس ڈاکٹر خالد بن اسلم نے کہا کہ لاہور جنرل ہسپتال کے پلمونالوجی وارڈ میں مریضوں کے علاج معالجے اور تشخیص کیلئے بہترین انتظامات موجود ہیں لہذا شہریوں کو بلا جھجھک اپنے طبی مسائل کے حل کے لئے آنا چاہیے اور بالخصوص دمہ کی بیماری سے بچنے کے لئے جنرل ہسپتال کی خدمات سے مستفید ہونا چاہیے۔مزید قومی خبریں
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
-
افغانستان سے پاکستان میں دراندازی کرنیوالے افغان دہشتگرد کے ہوشروبا انکشافات
-
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار میں میگنولیا گرینڈی فلورا کا پودا لگایا
-
فتنہ پارٹی بشری بی بی کی صحت سے متعلق پراپیگنڈہ کر رہی ہے ، عظمی بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.