اردنی ولی عہد کی سعودی منگیتر سے شادی‘ بلاول بھی شریک ہوں گے

اسلام آباد ( اُردو پوائنٹ اخبارتازہ ترین ۔ 01 جون 2023ء ) اردن کے ولی عہد کی سعودی منگیتر رجوہ السیف سے شادی میں وزیر خارجہ بلاول بھٹو زرداری بھی شریک ہوں گے۔ میڈیا رپورٹس کے مطابق وزیر خارجہ بلاول بھٹو زرداری اردن کے ولی عہد الحسین بن عبد اللہ دوئم اور سعودی شہری رجوا خالد السیف کی شادی میں شرکت کے لیے اردن روانہ ہوگئے، اس ضمن میں وزارت خارجہ کے ترجمان نے کہا ہے کہ بلاول بھٹو زرداری اردن اور عراق کے لیے روانہ ہو رہے ہیں، اس دورہ کے پہلے مرحلے میں وزیر خارجہ شاہی شادی میں شرکت کے لیے اردن جائیں گے، بلاول بھٹو زرداری اس کے بعد 5 اور 6 جون کو عراق جائیں گے جہاں وہ عراقی سربراہان اور ہم منصب سے تفصیلی ملاقات کریں گے، اس دورہ میں اہم معاہدات پر دستخط کیے جائیں گے۔

بتاتے چلیں کہ اردن کے ولی عہد شہزادہ الحسین بن عبد اللہ الثانی کی سعودی خاتون رجوا خالد السیف کے ساتھ شادی کی تقریبات شروع ہوگئی ہیں، یکم جون کو زہران محل میں جوڑے کا نکاح ہوگا، شاہ عبداللہ الثانی اس موقع پر الہاشمی ایوان شاہی میں عشائیہ دیں گے جس میں ہزاروں مہمان شریک ہوں گے، عشائیہ کے دوران اردن کے روایتی گیت گائے جائیں گے، جن کے ذریعے اردن کے رنگا رنگ ثقافتی ورثے کا اظہار کیا جائے گا۔

(جاری ہے)