مردان، تھانہ صدرپولیس کی منشیات فروشوں اورسماج دشمن عناصر کے خلاف کارروائیاں، 5 ملزمان گرفتار

جمعہ 2 جون 2023 16:32

پشاور(اُردو پوائنٹ اخبارتازہ ترین - اے پی پی۔ 02 جون2023ء) مردان کے تھانہ صدر پولیس نے منشیات فروشوں اور سماج دشمن عناصر کے خلاف کارروائیوں کے دوران 5 ملزمان کو گرفتار کرلیا۔

(جاری ہے)

پولیس کے مطابق تھانہ صدر پولیس نے ایس ڈی پی او سٹی سرکل انعام جان خان کی نگرانی اور ایس ایچ او عبد السلام خان کی قیادت میں سماج دشمن عناصر کے خلاف کامیاب کارروائیاں کرتے ہوئے 2 منشیات فروش اور تاش کے پتوسے جوا کھیلنے والے 3 ملزمان گرفتار کرلئے۔گرفتار ملزمان میں سربلند ولد شیرعلی ساکن کورغ،عظیم خان ولد پوردل خان،خلیل ولد لعل باچہ،ڈیرانے ولد خان غالب ساکنان گوجرگڑھی اور رحمن گل ساکن باجوڑ شامل ہیں۔ ملزمان سے 1 کلوگرام سے زائد چرس،170 گرام آئس اور داؤ پرلگائی گئی رقم 8500 روپے بھی برآمد کی گئی۔