Live Updates

چیئرمین پی ٹی آئی کے گرد گھیرا مزید تنگ، الیکشن کمیشن قانونی کارروائی کیلئے تیار

منگل 8 اگست 2023 19:36

اسلام آباد(اُردو پوائنٹ اخبارتازہ ترین - این این آئی۔ 08 اگست2023ء) چیئرمین پاکستان تحریک انصاف کے گرد گھیرا مزید تنگ کیا جانے لگا، الیکشن کمیشن آف پاکستان عمران خان کے خلاف قانونی کارروائی کے لیے تیار ہے۔ذرائع کے مطابق الیکشن کمیشن کی جانب سے چیئرمین پی ٹی آئی کے خلاف دو ایکشن ہوں گے۔

(جاری ہے)

پہلے انہیں این اے 45 کرم سے ڈی نوٹیفائی کیا جائے گا، اس کے بعد عمران خان کو پارٹی عہدے سے ہٹائے جانے کا بھی امکان ہے۔الیکشن کمیشن کی جانب سے متوقع اقدام کے حوالے سے ذرائع کے مطابق اس سلسلے میں کوئی بھی کارروائی باقاعدہ مشاورت کے بعد ہوگی،یہ ایکشن چیئرمین پی ٹی آئی کے خلاف توشہ خانہ فوجداری کیس کی روشنی میں لیے جائیں گے۔