سپریم کورٹ نے این اے 131 لاہور میں دوبارہ گنتی کے حوالے سے چیئرمین پی ٹی آئی کی درخواست غیر موثر ہونے پر نمٹا دی

بدھ 16 اگست 2023 19:50

اسلام آباد (اُردو پوائنٹ اخبارتازہ ترین - اے پی پی۔ 16 اگست2023ء) سپریم کورٹ نے این اے 131 لاہور میں دوبارہ گنتی کے حوالے سے چیئرمین پی ٹی آئی کی درخواست غیر موثر ہونے پر نمٹا دی۔بدھ کو چیف جسٹس آف پاکستان جسٹس عمر عطاء بندیال کی سربراہی میں قائم دو رکنی بینچ نے کیس کی سماعت کی ۔

(جاری ہے)

اس موقع پر چیف جسٹس عمر عطاء بندیال نے ڈاکٹر بابر اعوان سے مکالمہ کیا کہ دوبارہ گنتی کی اپیل تو اب غیر موثر ہو چکی ہے۔

جس پر ڈاکٹر بابر اعوان نے جواب دیا جی سر بالکل غیر موثر ہو چکی ہے۔ ڈاکٹر بابر اعوان نے موقف اختیار کیا کہ اجازت دیں تو معاملہ پر چیئرمین پی ٹی آئی سے نئی ہدایات لے لوں۔چیف جسٹس عمر عطاء بندیال نے کہا کہ قومی اسمبلی تحلیل ہو چکی ہے،اسمبلی تحلیل کے بعد اس معاملہ پر کیا ہو سکتا ہے، اب نئے انتخابات کا انتظار کرنا چاہیے۔عدالت نے درخواست غیر موثر ہونے پر نمٹا دی۔