سعودی عرب میں خواتین کے بھیس میں شاپنگ کرنے والا غیرملکی گرفتار

عبایا اور اونچی ایڑھی والے جوتے پہنے شخص کی ویڈیو سوشل میڈیا پر وائرل ہوئی جس پر پولیس نے ایکشن لیا

ساجد علی بدھ 30 اگست 2023 10:39

سعودی عرب میں خواتین کے بھیس میں شاپنگ کرنے والا غیرملکی گرفتار

ریاض ( اُردو پوائنٹ اخبارتازہ ترین ۔ 30 اگست 2023ء ) سعودی عرب میں خواتین کے بھیس میں شاپنگ کرنے والے غیرملکی مرد کو گرفتار کرلیا گیا۔ عرب میڈیا کے مطابق سعودی عرب کے مشرقی علاقے میں سکیورٹی حکام نے ایک مصری باشندے کو گرفتار کیا ہے، جو الخبر گورنری کے ایک شاپنگ مال میں خواتین کا بھیس بدل کر خریداری کرنے پہنچا تھا۔ اس حوالے سے ایسٹرن ریجن پولیس کے میڈیا ترجمان نے بتایا کہ ایک مصری باشندے کو گرفتار کیا گیا ہے جو الخبر گورنری کے ایک تجارتی مرکز میں خواتین کا لباس پہنے ہوئے تھا، اس کی تصاویر اور ویڈیو سوشل میڈیا پر پوسٹ کیے جانے کے بعد اس کی شناخت کی گئی جس کے بعد اس کو گرفتار کرلیا گیا۔

A resident was arrested wearing heels 👠 and an Abaya in a shopping mall in Al Khobar 🇸🇦. pic.twitter.com/RE9QxIY780
— Life in Saudi Arabia (@LifeSaudiArabia) August 29, 2023

ایک سعودی وکیل احمد المحمید نے دوسری جنس کی نقل کرنے کے خلاف سخت تنبیہ کرتے ہوئے کہا ہے کہ اس جرم کی سزا 5 سال تک قید ہے کیوں کہ ہم شریعت اور قانون کے ملک میں ہیں جہاں ہم اتفاق کرتے ہیں کہ یہ عمل شریعت کی خلاف ورزی کرتا ہے اور مملکت کے انسداد سائبر کرائم قانون کے تحت عوامی اخلاقیات کی خلاف ورزی پر زیادہ سے زیادہ 5 سال قید اور 30 لاکھ ریال جرمانے کی سخت سزا ہے، جرم میں ملوث افراد کو شرمندہ کرنے اور دوسروں کی عبرت کے لیے ان کا نام بھی پبلک کیا جاتا ہے۔

(جاری ہے)

وکیل نے اس بات کی تردید کی کہ دوسری جنس کی نقل کرنا سعودی معاشرے میں ایک رجحان بن چکا ہے، انہوں نے کہا کہ ایسے چند ایک مقدمات ہیں، جن کے لیے خصوصی تعزیرات کی ضرورت نہیں ہے، حالیہ برسوں میں سعودی حکام نے سوشل میڈیا پر جرائم کے ارتکاب اور اس کی تشہیر سے متعلق مختلف مقدمات میں متعدد گرفتاریاں کی ہیں۔