احتساب عدالت، ایل پی جی کوٹہ52 بلین کی مبینہ خردبرد ریفرنس میں گواہ تفتیشی افسر کا بیان ریکارڈ، سماعت 14اکتوبر تک ملتوی

بدھ 27 ستمبر 2023 19:00

اسلام آباد (اُردو پوائنٹ اخبارتازہ ترین - اے پی پی۔ 27 ستمبر2023ء) احتساب عدالت کے جج محمد بشیر کی عدالت میں زیر سماعت توقیر صادق وغیرہ کے خلاف ایل پی جی کوٹہ52 بلین کی مبینہ خردبرد ریفرنس میں گواہ تفتیشی افسر کا بیان ریکارڈ کرتے ہوئے سماعت 14اکتوبر تک ملتوی کردی ۔

(جاری ہے)

بدھ کے روز سماعت کے دوران توقیر صادق کی جانب سے وکیل ارشد تبریز، نیب پراسیکوٹر سہیل عارف اور نیب تفتیشی افسر وقاص احمد خان عدالت پیش ہوئے،نیب پراسیکوٹر سہیل عارف کی جانب سے گواہ تفتیشی افسر وقاص احمد کا بیان ریکارڈ کروایا گیاجو جاری رہا اور عدالت نے کہاکہ آئندہ سماعت پر بھی کیس کے تفتیشی افسر وقاص احمد کا بیان ریکارڈ کیا جائے گا،عدالت نے سماعت 4 اکتوبر تک کیلئے ملتوی کر دی۔