ڈی ڈبلیو 
اسلام آباد (اُردو پوائنٹ ۔ DW اردو۔ 28 ستمبر 2023ء) ازبکستان کے شہر تاشقند میں جمعرات کی صبح ایک زور دار دھماکے کے نتیجے میں متعدد افراد کے زخمی ہونے کی اطلاع ہے۔
پاکستان
سے ازبکستان تک ریلوے لائن کا منصوبہ کتنا قابل عمل؟ازبک نیوز ویب سائٹ داریو نے ہنگامی حالات کی وزارت کے حوالے سے اطلاع دی ہے کہ یہ واقعہ تاشقند کے بین الاقوامی ہوائی اڈے اسلام کریموف کے پاس ایک گودام میں پیش آیا۔
ازبکستان میں دستوری ترمیمی منصوبہ، صدارت کی مدت میں توسیع
اس حوالے سے سوشل میڈیا پر گردش کرنے والی فوٹیج میں رات کے دوران آسمان میں آگ کے شعلے اور دھواں اٹھتا ہوا دیکھا جاسکتا ہے۔
ہنگامی حالات کی وزارت نے کہا کہ دھماکے کی وجہ ابھی واضح نہیں ہے البتہ فائربریگیڈ عملے نے تیزی سے کارروائی کرتے ہوئے آگ پر قابو پالیا۔
(جاری ہے)
کھانسی کی بھارتی دوا سے ازبکستان میں بھی 18بچے ہلاک
وزارت نے ٹیلی گرام میسجنگ ایپ پر کہا، ''آگ کے دائرے کو کم کیا جا رہا ہے۔ صورتحال مکمل طور پر قابو میں ہے۔''
کرغزستان اور تاجکستان میں سرحدی جھڑپیں: تقریباً 100 ہلاک
جائے وقوعہ پر ہنگامی سروسز موجود
داریو نے رپورٹ کیا کہ فائر سروسز اور امدادی ٹیم کے درجنوں اہلکار اور گاڑیاں گودام تک پہنچ چکی ہیں۔
وزارت صحت نے ٹیلی گرام پر لکھا، ''ابھی تک کوئی بھی شدید طور پر زخمی نہیں ہے۔ ابھی، ڈاکٹر تمام ضروری طبی امداد فراہم کر رہے ہیں۔''
اس نے مزید کہا، ''حادثے کی جگہ اور آس پاس کے اپارٹمنٹس میں آگ لگنے سے زخمی ہونے والے لوگوں کو ہنگامی طبی امداد بھی فراہم کی جا رہی ہے۔''
خستہ حال آلات اور حفاظتی معیارات کی ناقص پابندی کی وجہ سے ازبکستان میں اس طرح کے حادثات عام ہیں، تاہم اتنی شدت کے واقعات شاذ و نادر ہی ہوتے ہیں۔
ص ز/ ج ا (روئٹرز، اے ایف پی)
