اسلام آباد کی ضلعی انتظامیہ نے پروفیشنل بھکاریوں کے خلاف آپریشن ، 39بھکاری گرفتار

اتوار 1 اکتوبر 2023 14:00

اسلام آباد (اُردو پوائنٹ اخبارتازہ ترین - اے پی پی۔ 01 اکتوبر2023ء) اسلام آباد کی ضلعی انتظامیہ نے پروفیشنل بھکاریوں کے خلاف آپریشن کرتے ہوئے 39بھکاریوں کو گرفتار کر لیا۔ ترجمان آئی سی ٹی کے مطابق ڈپٹی کمشنر اسلام آباد کی ہدایت پر اسسٹنٹ کمشنرز اور مجسٹریٹس نےاپنے اپنے علاقوں میں بھکاریوں کے خلاف آپریشن کیا۔اسسٹنٹ کمشنرز نے اپنے اپنے علاقوں سے 39 پیشہ ور بھکاریوں کو گرفتار کیا۔

(جاری ہے)

اسسٹنٹ کمشنر سٹی نے سٹی سب ڈویژن کے مختلف علاقوں سے دس بھکاریوں کو گرفتار کیا جبکہ اسسٹنٹ کمشنر سیکرٹریٹ نے سیکرٹریٹ سب ڈویژن کے مختلف علاقوں سے (23) بھکاریوں کو گرفتار کر کے تھانے منتقل کیا۔ اس کے ساتھ ساتھ اسسٹنٹ کمشنر رورل نے ایکسپریس وے ، پی ڈبلیو ڈی اور بحریہ سے تیرہ بھکاریوں کو گرفتار کر کے تھانے منتقل کر دیا۔ پروفیشنل بھکاریوں کو گرفتار کر کے تھانے منتقل کر دیا گیا جبکہ باقی کم عمر بچوں کو ایدھی سنٹر بھیج دیا گیا۔واضح رہے کہ بھکاریوں کے خلاف روزانہ کی بنیاد پر اسسٹنٹ کمشنرز کی زیرِ نگرانی آپریشن جاری ہے۔