جہانگیر ترین خیبر پختونخوا میں استحکام پاکستان پارٹی متحرک کرنے کیلئے سرگرم

پیٹرن انچیف استحکام پاکستان کی سابق وفاقی وزیر انور سیف اللہ خان سے ملاقات بہت جلد کے پی کے سے اہم سیاسی شخصیات کی استحکام پاکستان پارٹی میں شمولیت بھی متوقع ہے،ذرائع

بدھ 4 اکتوبر 2023 22:50

پشاور(اُردو پوائنٹ اخبارتازہ ترین - این این آئی۔ 04 اکتوبر2023ء) پیٹرن انچیف استحکام پاکستان پارٹی جہانگیر ترین خیبر پختونخوا میں پارٹی کو متحرک کرنے کے لئے سرگرم ہو گئے۔

(جاری ہے)

تفصیلات کے مطابق پیٹرن انچیف استحکام پاکستان پارٹی جہانگیر ترین نے سابق وفاقی وزیر انور سیف اللہ خان کے گھر جا کر ان سے ملاقات کی، ملاقات میں سلیم سیف اللہ خان، سینیٹر عثمان انور بھی موجود تھے۔

ملاقات میں سابق صوبائی وزیر خیبر پختونخوا ڈاکٹر ہشام انعام اللہ ، سینئر رہنما آئی پی پی اسحاق خان خاکوانی اور عون چودھری نے بھی شرکت کی۔اس موقع پر خیبر پختونخوا کی سیاسی صورتحال سمیت دیگر اہم امور پر تبادلہ خیال کیاگیا۔ذرائع کے مطابق بہت جلد کے پی کے سے اہم سیاسی شخصیات کی استحکام پاکستان پارٹی میں شمولیت بھی متوقع ہے۔