سلطنت عثمانیہ کے بانی عثمان بے نے کراچی میں پڑائو ڈال لیا

ہمیشہ سے پاکستان آنے کی خواہش تھی، خواہش ہے پاکستان فلم اور ڈرامہ انڈسٹری کا حصہ بنوں،اداکار براق اوزچیویت

اتوار 8 اکتوبر 2023 16:45

ْکراچی(اُردو پوائنٹ اخبارتازہ ترین - این این آئی۔ 08 اکتوبر2023ء) سلطنت عثمانیہ کے بانی عثمان بے پاکستان پہنچ گئے، ترک ڈرامہ کورلوش عثمان کے اداکار براق کراچی پہنچ گئے۔ترکیہ میں بنائی جانے والی تاریخی سیریز دنیا بھر میں مشہور و معروف ہے، سلطنتِ عثمانیہ پر بننے والی کورولوس عثمان میں مرکزی کردار ادا کرنے والے ترک اداکار براق اپنے مداحوں سے ملنے پاکستان پہنچ چکے ہیں۔

اپنی پاکسان آمد کے موقع پر ترک اداکار براق اوزچیویت نے کہا کہ ہمیشہ سے پاکستان آنے کی خواہش تھی، خواہش ہے پاکستان فلم اور ڈرامہ انڈسٹری کا حصہ بنوں۔

(جاری ہے)

اس سے قبل ترک اداکار نے انسٹاگرام اسٹوری شیئر کرتے ہوئے پاکستان روانگی سے متعلق آگاہ کیا تھا۔ اب سوشل میڈیا پر وائرل ویڈیو کلپ سے ان کے کراچی آنے کی تصدیق ہوگئی ہے۔کورلوس عثمان کے مرکزی کردار سے پہلے ارطغرل غازی کے مرکزی کردار ارطغرل غازی، ترگت الپ اور بامسی بھی پاکستان کا دورہ کرچکے ہیں۔

براق اوزچیوت کو سلطنتِ عثمانیہ کے بانی عثمان غازی کی زندگی پر مبنی تاریخی سیریز ارطغرل غازی کے سیکوئل کورولس عثمان کے مرکزی کردار سے دنیا بھر میں پذیرائی ملی ہے۔ سیریز کا پانچواں سیزن 4 اکتوبر سے ناظرین کے لیے پیش کیا گیا ہے۔