Live Updates

میانوالی ، پی ٹی آئی رہنماء سلیم گل خان نے ساتھیوں سمیت ضلع کی پارٹی صدارت چھوڑ دی

پیر 9 اکتوبر 2023 20:47

میانوالی (اُردو پوائنٹ اخبارتازہ ترین - آن لائن۔ 09 اکتوبر2023ء) ضلعی صدر پی ٹی آئی میانوالی سلیم گل خان نے اپنے ساتھیوں سمیت ضلع کی پارٹی صدارت چھوڑ دی انہوں نے 9 مئی کے واقعات کی شدید مذمت کی اور ان واقعات سے لاتعلقی کا اعلان کیا ۔

(جاری ہے)

تفصیل کے مطابق ڈسٹرکٹ پریس کلب میانوالی میں ایک پریس کانفرنس کا انعقاد ہوا جس میں ضلعی صدر پی ٹی آء میانوالی سلیم گل خان نے دیگر ضلعی و تحصیل عہدیداران کے ساتھ صحافیوں سے خطاب کیا انہوں نے پارٹی کی ضلعی صدارت سے استعفی' دے دیا اور کہا کہ 9 مئی کے واقعات کے لیئے عہدیداران اور ورکرز کی ذہن سازی کی گء جو بہت سنگین تھی انہوں نے ساتھیوں سمیت 9 مئی کے پیش آنے والے واقعات کی سخت مذمت کی اور ان سے لا تعلقی کا اعلان کیا کہا کہ میں نے زندگی کا ایک حصہ پارٹی کے لیئے وقف کیا مگر ہمیں کچھ نہیں ملا نہ عزت دی گء نہ ہی ضلعی ترقی کے کاموں کے لیئے مشاورت کی گء انہوں نے کہا کہ چیئرمین پی ٹی آء کو نا اہل مشیر لے ڈوبے ہیں جو انہیں اوٹ پٹانگ مشورے دیتے رہے اور پارٹی کا کباڑہ نکلوایا پارٹی کو اس کا خمیازہ بھگتنا پڑا ان میں شیخ رشید ، فواد چوہدری اور شہباز گل وغیرہ شامل ہیں پارٹی کے بہترین ورکر میجر ر خرم حمید سے بھی بہت زیادتیاں ہوئیں وہ بھی بروقت پارٹی چھوڑ گئے چیئرمین پی ٹی آء جو کہ ضلع کا وزیراعظم تھا ضلع کو ہی ترقی سے محرومش رکھا گیا پارٹی ورکرز اور عہدیداران سے سابق اراکین اسمبلی نے رابطہ ہی نہیں رکھا اور اب پارٹی ورکرز مصیبت میں ہیں تو یہ سب اراکین بلوں میں گھس چکے ہیں انہوں نے مزید کہا کہ اب ہم سب کی پی ٹی آئی سے راہیں جدا ہیں ضلع بھر سے میرے ساتھ 8 پی ٹی آئی کے عہدیداروں نے پارٹی چھوڑنے کا اعلان کیا ہے جن میں افضل خان، محسن شہزاد خان، شوکت خان، نادر شہروز خان، ملک شاہ زیب شامل ہیں سلیم گل نے کہا کہ 9 مئی کو عسکری تنصیبات اور املاک میں توڑ پھوڑ و جلاؤ گھیراؤ کی بھرپور الفاظ میں مذمت کرتا ہوں ورکرز کو اپنے لیڈر عمران خان سے ملنے تک کی اجازت نہیں تھی بس دو نمبر مشیران ان کے ارد گرد رہتے تھے انہوں نے کہا پارٹی چھوڑ دی ہے اور اس پارٹی کی وجہ سے مجھ پر جو مقدمات ہیں ان کاسامنا کروں گا مزید یہ کہ اب اگلے لائحہ عمل کا اعلان جلد ساتھیوں کی مشاورت سے کروں گا اور جس جماعت میں شمولیت کرنی ہوئی ہم مل کر فیصلہ کریں گے ۔