گٹکا ماوا فروشی میں ملوث2مبینہ ملزمان گرفتار، 12کلو گٹکا ماوا برآمد

پیر 20 نومبر 2023 17:06

کراچی (اُردو پوائنٹ اخبارتازہ ترین - اے پی پی۔ 20 نومبر2023ء) سکھن پولیس نے گٹکا ماوا فروشی میں ملوث2مبینہ ملزمان کوگرفتار کرکے ان کے قبضے سے 12کلو گٹکا ماوا برآمد کرلیا۔پیر کو جاری کردہ اعلامیہ کے مطابق گرفتار ملزمان میں محمد حنیف اور عامرشامل ہیں۔

(جاری ہے)

دوسری جانب پیرآباد کے علاقے پراچہ قبرستان کے قریب پولیس اور ڈاکوئوں کے درمیان فائرنگ کے تبادلے کے بعد ایک ڈاکوحمزہ ولد رحمت صادق خان کو زخمی حالت میں گرفتارکرکے اس کے قبضے سے اسلحہ بمعہ ایمونیشن، نقدی اور موٹرسائیکل برآمدکرلی جبکہ ملزم کے دیگر ساتھی فرار ہونے میں کامیاب ہوگئے۔پولیس نے گرفتارزخمی ملزم کو طبی امداد کے لئے ہسپتال منتقل کردیاہے۔پولیس نے ملزمان کے خلاف مقدمات درج کر کے تفتیش کا آغاز کردیاہے۔