پنجاب یونیورسٹی لائبریری کے زیر اہتمام کتابوںپر تعارفی پروگرام کا انعقاد

پیر 20 نومبر 2023 22:23

لاہور (اُردو پوائنٹ اخبارتازہ ترین - این این آئی۔ 20 نومبر2023ء) پنجاب یونیورسٹی لائبریری کے زیر اہتمام مطالعے کے عادات کو فروغ دینے کیلئے مولانا ابوالکلام آزاد کی تحریر’غبارِ خاطر‘ اور ضیاء الدین سردارکی تصنیف ’مکہ: دی سیکرڈ سٹی-‘ کا تعارفی پروگرام منعقد کیاگیا۔

(جاری ہے)

اس موقع پر چیف لائبریرین ڈاکٹر محمد ہارون عثمانی، ڈائریکٹر جنرل پبلک لائبریریز پنجاب کاشف منظور، انسٹیٹیوٹ آف انگلش سٹڈیز سے ایسوسی ایٹ پروفیسر ڈاکٹر شاہ زیب خان، فیکلٹی ممبران اور طلباء و طالبات نے شرکت کی۔

مولانا ابوالکلام آزاد کی میراث کو دریافت کرتے ہوئے، کاشف منظور نے ’غبارِ خاطر‘ پرروشنی ڈالتے ہوئے ان کی زندگی، جدوجہد آزادی میں ان کے کردار اور خطوط کے اس مجموعے کے منفرد نثری انداز بارے سیر حاصل بات چیت کی۔ ڈاکٹر شاہ زیب خان نے ضیاء الدین سردار کی ’مکہ: دی سیکرڈ سٹی‘ کی تاریخی اور مذہبی اہمیت پر روشنی ڈالی۔ڈاکٹر محمد ہارون عثمانی نے مقررین کا شکریہ ادا کرتے ہوئے کہا کہ پنجاب یونیورسٹی لائبریری کتب بینی کے فروغ کیلئے کردار ادا کرتی رہے گی۔

Facebook Twitter Google + Share on Whatsapp

پنجاب یونیورسٹی لائبریری کے زیر اہتمام کتابوںپر تعارفی پروگرام کا انعقاد

متعلقہ عنوان :

مزید تعلیم کی خبریں