سیکورٹی فورسز کاقلات کے ناگائو پہاڑوں میں دہشت گردوں کی موجودگی کی اطلاعات پر انٹیلی جنس بیسڈ آپریشن ،دو دہشت گرد جہنم واصل

بدھ 29 نومبر 2023 00:30

راولپنڈی (اُردو پوائنٹ اخبارتازہ ترین - اے پی پی۔ 29 نومبر2023ء) سیکورٹی فورسز نے قلات کے ناگائو پہاڑوں میں دہشت گردوں کی موجودگی کی اطلاعات پر انٹیلی جنس بیسڈ آپریشن کیا جس میں دو دہشت گرد جہنم واصل ہوگئے۔ آئی ایس پی آر کے مطابق 28 نومبر 2023 کوسیکیورٹی فورسز نے دہشت گردوں کی موجودگی کی اطلاع پر ضلع قلات کے ناگاؤ پہاڑوں کے علاقے میں انٹیلی جنس پر مبنی آپریشن کیا۔

(جاری ہے)

آپریشن کے دوران شدید فائرنگ کا تبادلہ ہوا، جس کے نتیجے میں دو دہشت گرد جہنم واصل ہوگئے، مارے گئے دہشت گردوں کے قبضے سےاسلحہ، گولہ بارود اور بارودی مواد کا ذخیرہ برآمد کرلیا گیا۔مارے گئے دہشت گرد سیکورٹی فورسز اور معصوم شہریوں پر حملوں میں براہ راست ملوث تھے۔علاقے میں پائے جانے والے دیگر دہشت گردوں کو ختم کرنے کے لیے کلیئرنس آپریشن جا رہی ہے۔ آئی ایس پی آر کا کہنا ہے کہ پاکستان کی سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔