تمباکو نوشی، دنیا بھر میں سالانہ 70 لاکھ اور پاکستان میں ایک لاکھ 60 ہزار اموات ہوتی ہیں، ماہرین

مکوآنہ (اُردو پوائنٹ اخبارتازہ ترین - این این آئی۔ 29 نومبر2023ء) دل اور سینے کے امراض کے ماہرین نے کہا ہے کہ لڑکپن سے پڑنے والی ایک بری عادت تمباکو نوشی ہے، جس سے دنیا بھر میں سالانہ 70 لاکھ اور پاکستان میں ایک لاکھ 60 ہزار اموات ہوتی ہیں، دنیا بھر میں آئندہ چند سالوں تک اموات کی یہ شرح ایک کروڑ تک پہنچ سکتی، پاکستان میں تمباکو نوشی اور اس سے پیدا ہونیوالی پیچیدہ امراض کی شرح مسلسل بڑھ رہی ہے، مختلف اقسام کے کینسر تمباکو نوشی کے سبب ہوتے ہیں۔

ماہرین نے کہا کہ تمباکو نوشی ترک کرنے کیلئے 6 ہفتے درکار ہوتے ہیں اور اس کیلئے رمضان المبارک ایک بہترین موقع ہے کہ ہم ہر طرح کے تمباکو سے چھٹکارہ حاصل کرکے اپنی ان بری عادات پر قابو پائیں۔ شعبہ امراض سینہ کے سربراہ پروفیسر سہیل اختر نے کہا کہ ہم سب کیلئے بہترین موقع ہوتا ہے کہ ہم اپنی بری عادات ترک کردیں اور اچھی عادتوں کو اپنائیں، ایسی ہی ایک عادت تمباکو نوشی ہے جو انسانی صحت کیلئے انتہائی مضر ہے، دنیا بھر میں پری وینٹیبل ڈیزیزز (روک تھام والی بیماریوں) میں سرفہرست ہے، تمباکو نوشی چاہے سگریٹ کی شکل میں ہو یا پان، گٹکہ، حقہ، بیڑی، شیشہ، نسوار اور چھالیہ کی شکل میں ہو، اس کے نقصاندہ ہونے میں کوئی تردد نہیں۔

(جاری ہے)

انہوںنے کہا کہ تمباکو نوشی ہارٹ اٹیک، فالج اور بے شمار موذی امراض کا سبب بنتی ہے، سگریٹ نوشی کرنیوالے فرد کے اطراف موجود سب لوگ جو اس دھوئیں کو اپنے اندر لے جاتے ہیں، اس سے متاثر ہوسکتے ہیں، تمباکو ایک نشہ ہے، جس سے چھٹکارا حاصل کرنا مشکل ضرور ہے لیکن ناممکن نہیں ہے۔ڈاکٹر سہیل نے تمباکو نوشی کرنیوالے افراد کو مخاطب کرتے ہوئے کہا کہ رمضان المبارک کے مہینے کو غنیمت جان کر اس بات کا تہیہ کریں کہ اس ماہ مقدس میں وہ اس بری عادت سے چھٹکارا حاصل کریں گے۔

ڈاکٹر سہیل خان نے کہا کہ سگریٹ نوشی دل کے امراض کی سب سے بڑی وجہ ہے، اسی طرح کینسر کا سبب بھی بنتا ہے، دنیا بھر میں اس سے سالانہ 70 لاکھ اور پاکستان میں ایک لاکھ 60 ہزار اموات ہوتی ہیں، دنیا بھر میں آئندہ چند سالوں تک اموات کی یہ شرح ایک کروڑ تک پہنچ سکتی ہے، پاکستان میں تمباکو نوشی اور اس سے پیدا ہونیوالی پیچیدہ امراض کی شرح مسلسل بڑھ رہی ہے، مختلف اقسام کے کینسر تمباکو نوشی کے سبب ہوتے ہیں۔انہوں نے کہا کہ اصل 6 ہفتے ہوتے ہیں، اسے پورا کرنا ہوتا ہے، رمضان کے 4 ہفتے ہوتے ہیں، اس کے ساتھ پہلے 2 ہفتے یا رمضان کے بعد 2 ہفتے ملاکر آپ اس بری عادت سے چھٹکارا پاسکتے ہیں۔