Live Updates

کراچی کنگز کو ایک اور بڑا دھچکا، عماد وسیم کے بعد محمد عامر بھی چھوڑ گئے

سابق پیسر کے کوئٹہ گلیڈی ایٹرز کے ساتھ معاملات طے پا گئے ہیں: ذرائع

ذیشان مہتاب بدھ 29 نومبر 2023 13:17

کراچی کنگز کو ایک اور بڑا دھچکا، عماد وسیم کے بعد محمد عامر بھی چھوڑ ..

لاہور (اردو پوائنٹ تازہ ترین اخبار ۔ 29 نومبر 2023ء ) کراچی کنگز کو ایک اور بڑا دھچکا، سابق کپتان عماد وسیم کے بعد فاسٹ باؤلر محمد عامر نے بھی فرنچائز کو چھوڑ دیا۔ ’سماء نیوز‘ کے مطابق پاکستان سپر لیگ ( پی ایس ایل ) کے آئندہ ایڈیشن کے لئے محمد عامر کے کوئٹہ گلیڈی ایٹر کے ساتھ معاملات طے پا گئے ہیں اور وہ پی ایس ایل 9 میں کوئٹہ گلیڈی ایٹر کی طرف سے ان ایکشن ہوں گے۔

ذرائع کا کہنا ہے کہ محمد عامر اور سرفراز احمد کے درمیان اچھے تعلقات کی وجہ سے انہیں کوئٹہ گلیڈی ایٹر کا حصہ بنایا گیا ہے۔

(جاری ہے)

دوسری جانب عماد وسیم کے جانے کے بعد کراچی کنگز کی جانب سے ملتان سلطانز سے رابطہ کیا گیا اور شان مسعود کو ٹریڈ کرنے کی درخواست کی گئی ہے۔ ذرائع کا کہنا ہے کہ پی ایس ایل 9 میں کراچی کنگز کی کپتانی شان مسعود کو دیئے جانے کا امکان ہے اور ممکنہ طور پر طیب طاہر کو ملتان سلطانز کے ساتھ ٹریڈ کیا جائے گا۔

پی ایس ایل 9 کی ڈرافٹنگ 13 دسمبر کو لاہور میں منعقدہ کرائے جانے کا امکان ہے جب کہ پاکستان کرکٹ بورڈ ( پی سی بی ) نے فرنچائزز کو ڈرافٹنگ کی تاریخ 13 دسمبر دے دی ہے۔