عسکری ٹاور حملہ کیس، یاسمین راشد، عمر سرفرازو دیگر کے جوڈیشل ریمانڈمیں توسیع

یاسمین راشد سمیت 4ملزمان کی جیل سے ویڈیو لنک کے ذریعے حاضری لگوائی گئی ،اعجاز چودھری و دیگر 47 ملزمان پیش

بدھ 29 نومبر 2023 17:10

عسکری ٹاور حملہ کیس، یاسمین راشد، عمر سرفرازو دیگر کے جوڈیشل ریمانڈمیں ..

لاہور (اُردو پوائنٹ اخبارتازہ ترین - این این آئی۔ 29 نومبر2023ء) انسداد دہشت گردی عدالت نے عسکری ٹاور حملہ کیس میں پاکستان تحریک انصاف کے رہنمائوں ڈاکٹر یاسمین راشد ،عمر سرفراز چیمہ ودیگر کے جوڈیشل ریمانڈ میں توسیع کردی۔

(جاری ہے)

انسداد دہشت گردی عدالت کی جج عبہر گل خان نے عسکری ٹاور حملہ کیس کی سماعت کی، یاسمین راشد سمیت 4ملزمان کی جیل سے ویڈیو لنک کے ذریعے حاضری لگوائی گئی جبکہ اعجاز چودھری و دیگر 47 ملزمان کو جیل سے عدالت میں پیش کیا گیا۔عدالت نے تمام ملزمان کو آئندہ سماعت پر حاضری کے لئے طلب کر لیا، عدالت نے آئندہ سماعت پر ملزمان کو چالان کی کاپیاں تقسیم کرنے کی ہدایت کرتے ہوئے کیس کی مزید سماعت 6 دسمبر تک ملتوی کردی۔