ایک بیٹے کی تین مائیں ، نادرا کا ایک اورانوکھا کارنامہ

جمعرات 30 نومبر 2023 16:41

کراچی(اُردو پوائنٹ اخبارتازہ ترین - این این آئی۔ 30 نومبر2023ء) ایک بیٹے کی تین مائیں ، نادرا کا ایک اور انوکھا کارنامہ سامنے آگیا ، خاتون نے نادرا کے خلاف عدالت سے رجوع کر لیا سندھ ہائیکورٹ میں نوجوان عمر رضا کی سگی والدہ صدف کی جانب سے درخواست دائر کی گئی ہے، جس میں موقف اختیار کیا گیا کہ نادراریکارڈکے مطابق 17 سالہ نوجوان عمررضا کی تین مائیں ہیں، نوجوان عمر رضا کے والدین میں علیحدگی ہوگئی ہے۔

(جاری ہے)

وکیل درخواست گزار نے کہا کہ ایک جگہ دادی ماں ہے، تو دوسری جگہ سوتیلی ماں والدہ ہے، نادراریکارڈ میں نوجوان کی تین ماں کے اندراج کی وجہ سے مستقبل میں مسئلہ ہوسکتا ہے۔عدالت نے نادرا کو نوٹس جاری کرتے ہوئے جواب طلب کرلیا ۔