ٹیسلا کا سائبر ٹرک فروخت کیلئے پیش، قیمت کا اعلان بھی کردیا گیا

سائبر ٹرک کے ڈیزائن نے لوگوں کی توجہ حاصل کرلی ہے،شہریوں کی بھرپوردلچسپی

جمعہ 1 دسمبر 2023 16:38

ٹیسلا کا سائبر ٹرک فروخت کیلئے پیش، قیمت کا اعلان بھی کردیا گیا

نیویارک(اُردو پوائنٹ اخبارتازہ ترین - این این آئی۔ 01 دسمبر2023ء) الیکٹرک گاڑیاں تیار کرنے والی کمپنی ٹیسلا نے سائبر ٹرک فروخت کیلئے پیش کرتے ہوئے اِس کی قیمت کا اعلان بھی کردیا ہے۔غیرملکی خبررساں ادارے کے مطابق سائبر ٹرک نے اپنے پولرائزنگ ڈیزائن کی بدولت ڈرائیوروں کی توجہ اپن جانب مبذول کروائی ہے، مختلف خصوصیات کا حامل سائبر ٹرک فلم Blade Runner فلم سے متاثر ہوکر ڈیزائن کیا گیا ہے۔

اس میں بیس ریئروہیل ڈرائیو ویریئنٹ ایک اندازے کے مطابق 250 میل کا سفر کرسکتے ہیں، جبکہ آل وہیل ڈرائیو اور سائبر بیسٹ ویریئنٹس بالترتیب 340 میل کا سفر کر سکتے ہیں۔ ایلون مسک نے کہا کہ ان خصوصیات کا مقصد ٹرک کو طویل سفر کے قابل بنانا ہے تاکہ وہ بھاری سامان ایک پہاڑیوں تک بھی لے جاسکے۔

(جاری ہے)

ٹیسلا کا ٹاپ آف دی لائن سائبر بیسٹ سائبر ٹرک 60 میل فی گھنٹہ کی رفتار 2.6 سیکنڈ میں تیز کرسکتا ہے، جو کئی اسپورٹس کاروں کو پیچھے چھوڑ سکتا ہے۔

ٹیسلا کے سائبر ٹرک میں 11 ہزار پانڈز کی ٹوونگ صلاحیت ہے، سائبر ٹرک امریکا میں بیک ٹو دی فیوچر شہرت کے ڈی ایم سی ڈیلورین کے بعد پہلا ٹرک ہے، جس میں اسٹینلیس اسٹیل کی باڈی استعمال کی گئی ہے اور اس میں آرمر گلاس بھی ہے، جو 70 میل فی گھنٹہ کی رفتار سے بیس بال کے اثرات کا مقابلہ کرسکتا ہے۔مسک نے کہا کہ ٹرک کے دروازے 45 کیلیبراور 9 ملی میٹر رانڈ تک بلٹ پروف ہیں، ٹرک میں 6 فٹ کا لمبا بستر ہے، جس کی7 نیچے اضافی سامان رکھنے کی گنجائش بھی موجود ہے۔

اس کے علاوہ ٹرک میں 120 وولٹ اور 240 وولٹ کے آٹ لیٹس بستر اور کیبن میں ٹولز چلانے، ای وی چارج کرنے کے لیے 11.5 کلو واٹ تک بجلی فراہم کرنے کے لیے ہیں۔سائبر ٹرک کی قیمت 60 ہزار 990 امریکی ڈالر سے شروع ہوگی، جو 2019 میں پیش کی جانے والی قیمت سے 50 فیصد زیادہ ہے۔تجزیہ کاروں کا کہنا تھا کہ قیمت کے باعث یہ سائبر ٹرک صرف امرا کو اپنی جانب متوجہ کرے گا۔