اے این ایف کی منشیات کی سمگلنگ کے خلاف کارروائیو ں میں منشیات برآمد، 8 ملزمان گرفتار

پیر 4 دسمبر 2023 13:20

راولپنڈی (اُردو پوائنٹ اخبارتازہ ترین - اے پی پی۔ 04 دسمبر2023ء) اے این ایف نے منشیات اسمگلنگ کے خلاف8 کارروائیوں کے دوران 31 کلو سے زائد منشیات برآمدکر کے 8 ملزمان گرفتارکر لیے ۔ترجمان کے مطابق فیصل آباد انٹرنیشنل ائیرپورٹ پر بذریعہ پرواز نمبر GF-791 بحرین سے پہنچے والا غیر ملکی مسافر گرفتارکیا گیا۔دورانِ کارروائی نائیجیرین باشندے کے پیٹ سے 40 کوکین بھرے کیپسولز برآمدکیے گئے ۔

جناح انٹرنیشنل ایئرپورٹ پر مسافر کے ٹرالی بیگ سے 1 کلو 343 گرام آئس اور 558 گرام ہیروئن برآمدکی گئی۔ملزم پرواز نمبر PA-170 کے ذریعے جدہ کے لئے روانہ ہو رہا تھا۔کمرشل مارکیٹ راولپنڈی میں دو ملزمان سے 240 ایکسٹیسی گولیاں برآمدکی گئیں ۔ہنگو روڈ کوہاٹ کے قریب گاڑی سے 3 کلو 600 گرام چرس برآمدکرکے ملزم گرفتارکیا گیا۔

(جاری ہے)

کانپور اڈا، ملتان کے قریب خاتون کے بیگ سے 2 کلو 400 گرام چرس برآمدکی گئی ۔

ڈیرہ غازی خان میں واقع بابِ سخی سرور کے قریب ملزم سے 2 کلو 400 گرام چرس برآمدکی گئی ۔زرعی یونیورسٹی ٹنڈوجام، حیدرآباد کے قریب ملزم سے 11 کلو چرس برآمدکی گئی۔زخہ خیل خیبر کے غیر آباد علاقے میں اسمگلنگ کیلئے چھپائی گئی 10 کلو چرس برآمدکی گئی ۔ترجمان نے بتایا کہ گرفتار ملزمان کے خلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔