راج کمار ہیرانی کی ہدایت کاری میں بننے والی فلم ڈنکی 21 دسمبر کو ریلیز ہوگی

میری ہر فلم کو آپ کے پیار کی ضرورت ہے، پروموشن کی نہیں، بالی ووڈ کے بادشاہ کا مداح کو جواب

جمعرات 7 دسمبر 2023 11:00

ممبئی (اُردو پوائنٹ اخبارتازہ ترین - این این آئی۔ 07 دسمبر2023ء) بالی ووڈ کے کنگ خان، شاہ رخ خان نے اپنی نئی فلم ’ڈنکی‘ کی پروموشن سے متعلق مداح کے سوال کا دلچسپ انداز میں جواب دے دیا۔بھارتی میڈیا رپورٹس کے مطابق شاہ رخ نے سوشل میڈیا پر ’آسک ایس آر کے‘ کے عنوان سے اپنے مداحوں سے گپ شپ کی۔راج کمار ہیرانی کی ہدایت کاری میں بننے والی فلم ڈنکی 21 دسمبر کو ریلیز ہورہی ہے، جس میں شاہ رخ خان، تاپسی پنوں، وکی کوشل اور دیگر اداکار پرفارم کررہے ہیں۔

فلم کی ریلیز قریب آرہی، اسی مناسبت سے مداح نے شاہ رخ خان سے اٴْن کی نئی فلم کی پروموشن اسٹریٹجی سے متعلق پوچھ لیا کہ’سر کیا ڈنکی کو پروموشن کی ضرورت پڑسکتی ہی اس پر بالی ووڈ کے بادشاہ نے ڈنکی ٹریلر کے ہیش ٹیگ کے ساتھ جواب دیا کہ میری ہر فلم کو آپ کے پیار کی ضرورت ہے، پروموشن کی نہیں۔

(جاری ہے)

دوان گفتگو شاہ رخ خان سے ایک مداح نے استفسار کیا کہ ’ڈنکی‘ کا مطلب کیا ہی اس پر بالی ووڈ کے کنگ خان نے جواب دیا کہ ڈنکی دراصل گدھے کی بغیر اجازت سرحدوں کے سفر کو کہتے ہیں، اسے پنجابی انداز میں ڈنکی کہیں گے۔

شاہ رخ کی رواں برس دو فلمیں پٹھان اور جوان ریلیز ہوئیں اور دونوں ہی باکس آفس پر زبردست بزنس کرنے میں کامیاب رہیں۔شاہ رخ خان جنہوں نے بالی ووڈ فلم پٹھان سے دوبارہ انٹری ماری ہے، نے اپنی فلموں کی پروموشنل حکمت عملی تبدیل کردی ہے، جسے انہوں نے جوان اور اب ڈنکی کے لیے استعمال کرنا شروع کردیا ہے۔بالی ووڈ کے بادشاہ نے آخری بار فلم کی ریلیز سے قبل میڈیا سے گفتگو 2018ء میں فلم زیرو کیلیے کی تھی، انہوں نے اس کے بعد پٹھان اور جوان کیلیے جو حکمت عملی بنائی وہی فلم ڈنکی کیلیے بھی جاری رکھی ہوئی ہے۔

انہوں نے فلم پٹھان کی ریلیز کے بعد ہی میڈیا سے گفتگو کی، یہی کام انہوں نے جوان کیلیے اپنایا اور اب ڈنکی لیلیے یہی حکمت عملی زیر عمل ہے، جو کام کررہی ہے۔فلمی تجزیہ کار کے مطابق میڈیا جو فلم کی ریلیز سے قبل ہی اس کے متعلق غیر ذمے دارانہ رویہ اپنالیا کرتا تھا، اب وہ پہلے فلم دیکھے اور پھر شاہ رخ خان سے سوال کرے، اس حکمت عملی موثر انداز میں کام کیا ہے۔