آئی جی پنجاب سے ڈی آئی جی انویسٹی گیشن لاہور عمران کشور اور انویسٹی گیشن ونگ کے افسران کی ملاقات

ڈی آئی جی عمران کشور نے ملتان روڈ سندر کے علاقے میں بس پر فائرنگ واقعہ کی تفصیلات بارے آگاہ کیا ٴبہترین تفتیش سے ملزمان کو پابند سلاسل کرکے قرار واقعی سزائیں دلوانا ہی جرائم کنٹرول کا اصل فارمولا ہے،انویسٹی گیشن ونگ کے افسران واہلکار جدید فارنزک سائنس اور روایتی مہارت کے موثراستعمال سے کیسز کو حل کریں۔ ڈاکٹر عثمان انور

جمعہ 8 دسمبر 2023 20:35

9لاہور (اُردو پوائنٹ اخبارتازہ ترین - آن لائن۔ 08 دسمبر2023ء) انسپکٹر جنرل پولیس پنجاب ڈاکٹر عثمان انو رنے لاہور کے علاقہ سندر ملتان روڈ پر بس پر فائرنگ سے طالبات کو زخمی کرنے والے ملزمان کی گرفتاری پر ڈی آئی جی انویسٹی گیشن لاہور عمران کشور اور انکی ٹیم کو شاباش دی ہے۔ آئی جی پنجاب ڈاکٹر عثمان انور نے کہاکہ بہترین تفتیش سے ملزمان کو پابند سلاسل کرکے قرار واقعی سزائیں دلوانا ہی جرائم کنٹرول کا اصل فارمولا ہے۔

انویسٹی گیشن ونگ کے افسران واہلکار جدید فارنزک سائنس اور روایتی مہارتوں کے موثراستعمال سے اہم مقدمات کو جلد از جلد حل کریں۔ ڈاکٹر عثمان انور نے مزید کہا کہ قابل، فرض شناس اور محنتی افسران و اہلکاروں کی حوصلہ افزائی کا سلسلہ ہر سطح پر جاری رہے گا۔

(جاری ہے)

ان خیالات کا اظہار انہوں نے سنٹرل پولیس آفس میں ڈی آئی جی انویسٹی گیشن لاہور عمران کشور اور انویسٹی گیشن ونگ کے افسران سے گفتگو کرتے ہوئے کیا۔

آئی جی پنجاب ڈاکٹر عثمان انور سے ڈی آئی جی انویسٹی گیشن لاہور عمران کشور اور انویسٹی گیشن ونگ کے افسران نے ملاقات کی۔ ڈی آئی جی عمران کشور نے ملتان روڈ سندر کے علاقے میں بس پر فائرنگ واقعہ کی تفصیلات بارے آگاہ کرتے ہوئے بتایا کہ پنجاب پولیس کی ٹیم نے سی سی ٹی وی کیمروں اور ہیومن انٹیلی جنس سے بس پر فائرنگ کرنے والے 06 ملزمان کر گرفتار کیا۔

ڈی آئی جی انویسٹی گیشن لاہور عمران کشور نے کہا کہ بس پر فائرنگ کا واقعہ ملزمان اور بس ڈرائیور کے درمیان اوور ٹیکنگ پر ہونے والی تلخ کلامی کے باعث پیش آیا، ملزمان نے طیش میں آکر بس پر فائرنگ کی جس کے نتیجے میں دو طالبات زخمی ہوئیں۔انویسٹی گیشن ٹیم نے تمام شواہد کے بغور جائزے سے تفتیش کو آغاز کیا اور قلیل وقت میں ہائی پروفائل کیس حل کیا۔ آئی جی پنجاب ڈاکٹر عثمان انور کی اہم کیس کو بروقت حل کرنے پر ڈی آئی جی انویسٹی گیشن اور انکی ٹیم کو شاباش دی