امریکی پابندیوں کی زد میں کئی ملکوں کے لوگ آ گئے

پابندیاں انسانی حقوق کی خلاف ورزیوں پر عائد کی گئی ہیں،رپورٹ

ہفتہ 9 دسمبر 2023 12:57

امریکی پابندیوں کی زد میں کئی ملکوں کے لوگ آ گئے

واشنگٹن(اُردو پوائنٹ اخبارتازہ ترین - این این آئی۔ 09 دسمبر2023ء) امریکہ نے ایک مرتبہ پھر انسانی حقوق کی خلاف ورزیوں پر متعلقہ افراد کے خلاف پابندیاں لگانے کا انتہائی اقدام کیا ہے۔غیرملکی خبررساں ادارے کے مطابق یہ اعلان اس وقت سامنے آیا جب عالمی سطح پر انسانی حقوق کا دن منانے میں صرف دو دن باقی ہیں اور اسرائیلی بمباری سے غزہ میں 17000 سے بھی زیادہ فلسطینی جاں بحق ہو چکے ہیں، ان ہلاک شدگان میں ستر فیصد عورتیں اور معصوم فلسطینی بچے ہیں۔

غزہ میں اسرائیلی بمباری کا اب تیسرا ماہ شروع ہو چکا ہے۔یہ ایک غیر معمولی صورت حال ہے کہ اسرائیل اور حماس جنگ کے حوالے سے جو بائیڈن انتظامیہ اپنی بے پناہ مصروفیات اور سرگرمیوں کے باوجود کئی ملکوں میں انسانی حقوق سے متعلق امور کے ساتھ کھڑی نظر آئی ہے۔

(جاری ہے)

امریکی پابندیوں کی زد میں آنے والوں میں افغانستان، روس، چین، ایران اور انڈونیشیا کی مختلف شخصیات شامل ہیں۔

امریکی محکمہ خزانہ کے مطابق انسانی حقوق کی خلاف ورزیاں کرنے پر تازہ امریکی پابندیوں کا نشانہ بننے والوں میں نو ملکوں کے 20 افراد شامل ہیں۔اس دوران امریکی دفتر خارجہ نے روس،انڈونیشیا اور چین کے حوالے سے ویزا پابندی کے اقدامات کا اعلان کیا ہے۔ جبکہ دو ملکوں کے حوالے سے پابندیاں انسداد دہشت گردی حکام کے حوالے سے سامنے آئے ہیں۔ چین کے سرکاری عہدے داروں پر انسانی حقوق کی سنگین خلاف ورزیوں کی وجہ پابندی لگائی ہے۔

ایرانی انٹیلی جنس کے دو افراد پر بھی پابندیاں لگائی ہیں۔ جن کے بارے میں واشنگٹن کا کہنا ہے کہ انہوں نے امریکہ میں اپنے آپریشنز کے لیے بندوں کی بھرتیاں کیں۔ ان بھرتیوں کا مقصد امریکی انتظامیہ کے موجودہ اور بعض سابق حکام کو 2020 میں قاسم سلیمانی کے قتل کے سلسلے میں انتقامی کارروائی کا نشانہ بنانا تھا۔امریکی وزیر خزانہ جینیٹ ییلن نے اس سلسلے میں اپنے بیان میں کہاکہ انسانی حقوق کے تحفط کے لیے ہمارا عزم پاکیزہ ہے۔