مودی میرے قتل کے منصوبے میں ملوث ہیں، گرپتونت سنگھ پنوں

سان فرانسسکو کے گولڈن برج پر سکھوں کی ریلی،ایف بی آئی کے حق میں نعرے

پیر 11 دسمبر 2023 19:11

مودی میرے قتل کے منصوبے میں ملوث ہیں، گرپتونت سنگھ پنوں

ٹورنٹو(اُردو پوائنٹ اخبارتازہ ترین - آن لائن۔ 11 دسمبر2023ء) مودی سرکار کے ہاتھوں قتل سے بال بال بچنے والے خالصتان تحریک کے رہنما گرپتونت سنگھ پنوں نے کہاہے کہ مودی میرے قتل کے منصوبے میں براہِ راست ملوث ہیں، وہ سرکاری استثنی کے پیچھے نہیں چھپ سکیں گے۔

(جاری ہے)

غیرملکی خبررساں ادارے کے مطابق سکھ رہنما گرپتونت سنگھ پنوں کے قتل کے منصوبے کی تحقیقات کے لیے ایف بی آئی کے سینئر ڈائریکٹر کے بھارت جانے پر سکھوں نے اظہارِ خیر مقدم کیا ہے۔

سان فرانسسکو کے گولڈن برج پر سکھوں نے ریلی کے دوران ایف بی آئی کے حق میں نعرے لگائے۔اس موقع پر گفتگو کرتے ہوئے گرپتونت سنگھ پنوں نے کہا کہ سان فرانسسکو میں خالصتان کے لیے ریفرنڈم کا آغاز 28 جنوری سے ہو گا۔انہوں نے کہا کہ سکھوں اور مسلمانوں کے خلاف جرائم پر مودی پر مقدمہ چلائیں گے، مودی سیاسی مخالفین کے خلاف تشدد کا ٹریک ریکارڈ رکھتے ہیں۔