عوامی نیشنل پارٹی خیبر پختونخوا نے قومی اسمبلی اور صوبائی اسمبلی کے مزید امیدواران کا اعلان کردیا

اسلام آباد (اُردو پوائنٹ اخبارتازہ ترین - اے پی پی۔ 18 دسمبر2023ء) عوامی نیشنل پارٹی خیبر پختونخوا نے قومی اسمبلی اور صوبائی اسمبلی کے مزید امیدواران کا اعلان کردیا۔پیر کو اے این پی کی جانب سے جاری بیان کے مطابق عوامی نیشنل پارٹی نے عام انتخابات کے لئے جن قومی اسمبلی کے امیدواروں کا اعلان کیا ہے ان میں خدیجہ بی بی این اے 1 (چترال) جبکہ ڈاکٹر شیرباز این اے 3 (سوات) سے اے این پی امیدوار ہوں گے،مولانا خانزيب این اے 8 (باجوڑ ) سے عوامی نیشنل پارٹی کے نامزد امیدوار ہوں گے،سرزمین خان این اے 12( کوہستان) اور نثار مومند این اے 26 (مومند) سے امیدوار نامزد کردیئے گئے ہیں ۔

چیئرمین صوبائی پارلیمانی بورڈ ایمل ولی خان نے اراکین سے مشاورت کے بعد امیدواران کی منظوری دے دی. اسی طرح عام انتخابات کے لئے عوامی نیشنل پارٹی نے صوبائی اسمبلی کے مزید امیدواران کا اعلان کیا جن میں ممتاز علی خان پی کے 9 (سوات) اور راجہ امیر زمان پی کے 12 (دیر بالا) سے امیدوارہوں گے۔

(جاری ہے)

سرزمین خان پی کے 32 (لوئر کوہستان)، محمد ارشد خان پی کے 34 (بٹگرام) اور محمد صدیق پی کے 35 (بٹگرام) سے امیدوار نامزد کردیئے گئے۔

شاہین ضمیر پی کے 40 (مانسہرہ)، شہناز راجہ پی کے 42 (ایبٹ آباد) اور ارم فاطمہ پی کے 47 (ہری پور) سے امیدوار ہوں گی۔سرزمین خان صافی پی کے 68 (مومند) جبکہ عزیز غفار پی کے 72 (پشاور) سے امیدوار نامزد کردیئے گئے۔شگفتہ ملک پی کے 73 (پشاور) اور اظہار خلیل پی کے 78 (پشاور) سے انتخابات میں حصہ لیں گے۔جواد خٹک پی کے 87 (نوشہرہ) جبکہ مسعود خلیل پی کے 91 (کوہاٹ) سے اے این پی امیدوار ہوں گے۔

عصمت اللہ خٹک پی کے 92 (کوہاٹ) جبکہ نوروز خان اورکزئی پی کے 95 (کرم) سے امیدوار نامزد کردیئے گئے۔نورانی خان پی کے 99 (بنوں) اور ملک علی سرور پی کے 107 (لکی مروت) سے اے این پی امیدوار ہوں گے۔تیمور علی خان پی کے 113 (ڈی آئی خان) سے عوامی نیشنل پارٹی کے امیدوار نامزد کردیئے گئے۔چیئرمین صوبائی پارلیمانی بورڈ ایمل ولی خان نے اراکین سے مشاورت کے بعد امیدواران کی منظوری دے دی ہیں۔