ٹنڈومحمدخان ،پیپلزپارٹی ،جے یو آئی، تحریک انصاف سمیت آزاد امیدواروں نے قومی و صوبائی اسمبلیوں کے کاغذات نامزدگی فارم وصول کر لئے

بدھ 20 دسمبر 2023 20:40

ٹنڈومحمدخان (اُردو پوائنٹ اخبارتازہ ترین - اے پی پی۔ 20 دسمبر2023ء) ٹنڈومحمدخان میں قومی اسمبلی کی ایک اور صوبائی اسمبلی کی دو نشستوں کے لئے پیپلز پارٹی، تحریک انصاف، جمعیت علمائے اسلام ف کے منتخب کردہ امیدواروں نے کاغذات نامزدگی فارم وصول کیے ہیں۔

(جاری ہے)

قومی اسمبلی کی نششت این اے 221 کے لیے پیپلزپارٹی کے سابق وفاقی وزیر سید نوید قمر، تحریک انصاف کے عبدالجبار میمن، جمعیت علمائے اسلام ف کے مولانا ابراہیم سومرو سمیت آزاد امیدواران، سندھ اسمبلی کی نششت پی ایس 66 کے لیے پیپلز پارٹی کے ضلعی صدر اعجاز شاہ بخاری، تحریک انصاف کے الطاف نظامانی، جمعیت علمائے اسلام ف، حلقہ پی ایس 67 کے لیے ضلعی جنرل سیکرٹری خرم کریم سومرو، تحریک انصاف کے عبدالرحیم کاتیار، جمعیت علمائے اسلام ف کے مولانا جمیل الرحمن سومرو، سندھ ترقی پسند پارٹی کے چیئرمین ڈاکٹر قادر مگسی سمیت قومی و صوبائی اسمبلیوں کے لیے ایک درجن سے زائد امیدواروں نے کاغذات نامزدگی فارم وصول کیے۔