ضلع خیبر میں عوامی نیشنل پارٹی کے انتخابی امیدوار نیاز ولی انتقال کرگئے

پیر 25 دسمبر 2023 13:25

پشاور (اُردو پوائنٹ اخبارتازہ ترین - اے پی پی۔ 25 دسمبر2023ء) ضلع خیبر میں عوامی نیشنل پارٹی کے انتخابی امیدوار نیاز ولی انتقال کرگئے۔عوامی نیشنل پارٹی کے خیبر چیپٹر نے منگل کو ایک قومی اسمبلی اور تین صوبائی اسمبلی کی نشستوں کے لیے اپنے امیدواروں کی فہرست جاری کی تھی۔

(جاری ہے)

پارٹی ترجمان منظور آفریدی کے مطابق خیبر چیپٹر نے این اے 27 کی نشست کے لیے ملک دریا خان، شاہ حسین شنواری اور حاجی شیرین آفریدی کے نام تجویز کیے ہیں، جب کہ پارٹی صوبائی اسمبلی کی نشست پی کے 69 کے لیے ملک دریا خان اور شاہ حسین شنواری میں سے کسی ایک کا انتخاب کرے گی۔

اسی طرح پی کے 70 کے لیے ڈاکٹر زاہد آفریدی اور نیاز ولی آفریدی اور کے پی کے 71 کے لیے چراغ آفریدی، صادق آفریدی، حاجی شیرین آفریدی اور امیر شاہ آفریدی کو تجویز کیا گیا۔مرحوم نیاز ولی نے باڑہ تحصیل کے حلقہ پی کے 70 کیلئے کاغذات جمع کرائے تھے۔خاندانی ذرائع کے مطابق نیاز ولی کا انتقال دل کا دورہ پڑنے سے ہوا۔